വിചാരണ കോടതി മാറ്റണമെന്ന ഹർജി തള്ളിയ വിധിക്കെതിരെ സർക്കാർ അപ്പീൽ നൽകും

കൊച്ചിയിൽ നടിയെ അക്രമിച്ച കേസിൽ വിചാരണ കോടതി മാറ്റണമെന്ന ഹ​ർജി തള്ളിയ ഹൈക്കോടതി സിം​ഗിൾ ബഞ്ച് വിധിക്കെതിരെ സർക്കാർ ഡിവിഷൻ ബഞ്ചിനെ സമീപിക്കും. കേസിന്റെ വിചാരണ കോടതി മാറ്റണമെന്ന നടിയുടെയും പ്രോസിക്യൂഷന്റെയും ആവശ്യം ഹൈക്കോടതി സിം​ഗിൾ ബഞ്ച് കഴിഞ്ഞ ദിവസമാണ് തള്ളിയത്. നടിയെ ആക്രമിച്ച കേസിലെ വിചാരണ നടപടികൾ തിങ്കളാഴ്ച തന്നെ പുനരാരംഭിക്കണമെന്ന് ഹൈക്കോടതി ആവശ്യപ്പെട്ടിരുന്നു. ഹൈക്കോടതി വിധിക്കെതിരെ അപ്പീൽ പോകേണ്ടതിനാൽ വിചാരണ സ്റ്റേ ചെയ്യണമെന്ന പ്രോസിക്യൂഷന്റെ ആവശ്യവും ഹൈക്കോടതി തള്ളി. ഇതിനെതിരെയും ഡിവിഷൻ ബഞ്ചിൽ അപ്പീൽ നൽകും. 

വിചാരണ കോടതി മാറ്റണമെന്ന പ്രോസിക്യൂഷന്റെ ആവശ്യത്തെ സാധൂകരിക്കുന്ന തെളിവുകൾ ഹാജരാക്കാനായില്ലെന്ന് ഹൈക്കോടതി അഭിപ്രായപ്പെട്ടു. പ്രോസിക്യൂഷനും ജുഡീഷ്യൽ ഓഫീസറും ഒരുമിച്ച് പോയാൽ മാത്രമെ നീതി നടപ്പാകൂ എന്നും കോടതി നിരീക്ഷിച്ചിരുന്നു. 

വിചാരണ കോടതി പക്ഷപാതപരമായി പെരുമാറുന്നുവെന്ന് ആരോപിച്ചാണ് പ്രോസിക്യൂഷനും അക്രമിക്കപ്പെട്ട നടിയും ഹൈക്കോടതിയെ സമീപിച്ചത്. വിചാരണക്കിടെ പ്രതിഭാ​ഗം അഭിഭാഷകൻ മോശമായി പെരുമാറിയപ്പോൾ കോടതി ഇടപെട്ടിട്ടില്ലെന്ന് ഹർജിയിൽ ചൂണ്ടിക്കാട്ടിയിരുന്നു. സാക്ഷി മൊഴി രേഖപ്പെടുത്തുന്നതിൽ കോടതിക്ക് വീഴ്ചയുണ്ടായതായും പരാതിയുണ്ട്. കോടതിയുടെ ഇടപെടലിനെ കുറിച്ച്  ​ഗുരുതരമായ ആരോപണങ്ങലാണ് ഹർജിയിൽ ഉന്നയിച്ചിരിക്കുന്നത്.

 2017 ഫെബ്രുവരിയിലാണ് കേസിനാസ്പദമായ സംഭവം. സിനിമാ ഷൂട്ടിം​ഗ് കഴിഞ്ഞ് വരികയായിരുന്ന നടിയെ വാഹനത്തിൽ പിന്തുടർന്ന് തട്ടിക്കൊണ്ട് പോയി പീഡിപ്പിക്കുകയായിരുന്നു. പീഡന ദൃശ്യങ്ങൾ പ്രതികൾ മൊബൈലിൽ പകർത്തുകയും ചെയ്തിരുന്നു.

Contact the author

Web Desk

Recent Posts

Web Desk 21 hours ago
Keralam

ബുധനാഴ്ച അതിതീവ്ര മഴക്ക് സാധ്യത; നാല് ജില്ലകളിൽ റെഡ് അലർട്ട്

More
More
Web Desk 1 day ago
Keralam

കെഎസ്എഫ്ഇയില്‍ റെയ്ഡ്: മുഖ്യമന്ത്രിയുടെ അറിവോടുകൂടിയെന്ന് രമേശ് ചെന്നിത്തല

More
More
Web Desk 1 day ago
Keralam

ഇബ്രാഹിം കുഞ്ഞിനെ വിജിലൻസ് ആശുപത്രിയിൽ ചോദ്യം ചെയ്യുന്നു

More
More
Web Desk 1 day ago
Keralam

കെഎസ്എഫ്ഇ വിജിലൻസ് റെയ്ഡ്: സിപിഎം ചർച്ച ചെയ്യുമെന്ന് എ വിജയരാഘവൻ

More
More
Web Desk 1 day ago
Keralam

കല്ലാമലയിൽ കോൺ​ഗ്രസ് സ്ഥാനാർത്ഥി പിൻവാങ്ങി; മുരളീധരൻ വടകരയിൽ പ്രചരണത്തിന് ഇറങ്ങും

More
More
Web Desk 1 day ago
Keralam

രാഷ്ട്രീയ ശത്രുക്കള്‍ക്ക് അവസരം നൽകുന്നത് ആവരുത് വിജിലൻസ് റെയ്ഡെന്ന് ധനമന്ത്രി

More
More