വയനാട്ടിലെ സ്വകാര്യ മെഡിക്കൽ കോളേജായ ഡിഎം വിംസ് ഏറ്റെടുക്കാനുള്ള നിർദേശം സര്ക്കാര് ഉപേക്ഷിച്ചു. സ്വന്തം നിലയില് സര്ക്കാര് സ്ഥലം ഏറ്റെടുത്ത് മെഡിക്കല് കോളേജ് സ്ഥാപിക്കാന് ഇന്നുചേര്ന്ന ഉന്നതതലയോഗം തീരുമാനിച്ചതായി മുഖ്യമന്ത്രി പിണറായി വിജയന് പറഞ്ഞു.
സ്വകാര്യ മെഡിക്കല് കോളേജ് ഏറ്റെടുക്കാനുള്ള നിര്ദേശം പരിശോധിക്കാന് ചീഫ് സെക്രട്ടറി അധ്യക്ഷനായ സമിതിയെ സര്ക്കാര് നിയോഗിച്ചിരുന്നു. ഡി.എം. വിംസിന്റെ ഉടമസ്ഥരായ ഡി എം എജുക്കേഷണല് റിസര്ച്ച് ഫൗണ്ടേഷന് മുന്നോട്ടുവെച്ച നിര്ദേശങ്ങള് അപ്രായോഗികമാണെന്ന് വിദഗ്ധ സമിതി അഭിപ്രായപ്പെട്ടു. ഇത് കണക്കിലെടുത്താണ് സ്വന്തം നിലയില് മെഡിക്കല് കോളേജ് സ്ഥാപിക്കാന് തീരുമാനിച്ചത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
അതേസമയം, നിര്മാണ അനുമതിഘട്ടത്തില് തന്നെ പത്തോളം ഭൂപരിസ്ഥിതി മെഡിക്കല് നിയമങ്ങള് ലംഘിച്ചുവെന്ന ആരോപണം നേരിട്ട സ്ഥാപനമായ വിംസ് മെഡിക്കല് കോളേജ് കോടികള് വിലകൊടുത്ത് വാങ്ങുന്നതിനെതിരെ നേരത്തേ തന്നെ വിവിധ കോണുകളില് നിന്നും വിമര്ശം ഉയര്ന്നിരുന്നു.