തിരുവനന്തപുരം: സര്ക്കാര് ആവശ്യങ്ങള് അംഗീകരിച്ചതിനെത്തുടര്ന്ന് സമരം അവസാനിപ്പിച്ച് ലാസ്റ്റ് ഗ്രേഡ് ഉദ്യോഗാര്ത്ഥികള്. സെക്രട്ടറിയേറ്റിനു മുന്നില് മുപ്പത്തിയാറ് ദിവസങ്ങളായി സമരം നടത്തുന്ന ഉദ്യോഗാര്ത്ഥികളും മന്ത്രി എകെ ബാലനും തമ്മില് നടന്ന ചര്ച്ചയില് ആവശ്യങ്ങള് അംഗീകരിച്ചതിനെത്തുടര്ന്നാണ് സമരം അവസാനിപ്പിക്കാന് ഉദ്യോഗാര്ത്ഥികള് തീരുമാനിച്ചത്.
വാച്ച്മാന്മാരുടെ ജോലി സമയം കുറച്ച് പുതിയ തസ്തിക സൃഷ്ടിക്കാന് ശ്രമിക്കും, ആ ഒഴിവുകളിലേക്ക് നിലവിലെ റാങ്ക് ലിസ്റ്റില് നിന്നുളള ആളുകളെ തെരഞ്ഞെടുക്കും തുടങ്ങിയ ഉറപ്പുകളാണ് മന്ത്രി എകെ ബാലന് നല്കിയതെന്ന് ഉദ്യോഗാര്ത്ഥികള് പറഞ്ഞു. സമരത്തിനു പിന്തുണ നല്കിയ രാഷ്ട്രീയ പാര്ട്ടികള്ക്കും മാധ്യമങ്ങള്ക്കും ഉദ്യോഗാര്ത്ഥികള് നന്ദി പറഞ്ഞു.
അതേസമയം, സിപിഒ റാങ്ക് ലിസ്റ്റിലുളളവര് സമരം ശക്തമായി തുടരുമെന്ന് അറിയിച്ചു. സര്ക്കാരിന് കാര്യങ്ങള് ബോധ്യപ്പെട്ടിട്ടുണ്ട് എന്നാല് രേഖാമൂലം ഉറപ്പുകിട്ടിയാല് മാത്രമേ സമരം അവസാനിപ്പിക്കുകയുളളു എന്നാണ് സിപിഒക്കാരുടെ തീരുമാനം. താല്ക്കാലിക ജീവനക്കാരുടെ സ്ഥാനത്ത് പിഎസ്സി റാങ്ക് ലിസ്റ്റിലുളളവരെ നിയമിക്കണമെന്നാവശ്യപ്പെട്ടായിരുന്നു ലാസ്റ്റ് ഗ്രേഡ് ഉദ്യോഗാര്ത്ഥികളുടെ സമരം.