ചോദ്യംചെയ്യലിന് ഹാജരാകണമെന്ന് ആവശ്യപ്പെട്ടുള്ള കസ്റ്റംസിന്റെ നോട്ടീസ് ലഭിച്ചിട്ടില്ലെന്ന് സിപിഎം നേതാവ് കോടിയേരി ബാലകൃഷ്ണന്റെ ഭാര്യ വിനോദിനി ബാലകൃഷ്ണന്. സന്തോഷ് ഈപ്പനെ തനിക്കറിയില്ലെന്നും വിനോദിനി വ്യക്തമാക്കി.
വിനോദിനിക്ക് താന് ഫോണ് നല്കിയിട്ടില്ലെന്ന് യൂണിടാക് എംഡി സന്തോഷ് ഈപ്പനും പ്രതികരിച്ചു. ഐ ഫോണ് സ്വപ്ന സുരേഷിനാണ് നൽകിയത്. സ്വപ്ന ആർക്കെങ്കിലും ഫോണ് നൽകിയോയെന്ന് അറിയില്ല. വില കൂടിയ ഫോണ് യുഎഇ കോണ്സല് ജനറലിന് നല്കിയെന്നാണ് സ്വപ്ന പറഞ്ഞത്. വിനോദിനിയുമായി ഒരു ബന്ധവുമില്ല. രാഷ്ട്രീയക്കാർക്കും ഉദ്യോഗസ്ഥർക്കും ഒരു പാരിതോഷികവും നൽകിയിട്ടില്ലെന്നും സന്തോഷ് ഈപ്പൻ പറഞ്ഞു.
ലൈഫ് മിഷന് പദ്ധതിയുമായി ബന്ധപ്പെട്ട കമ്മീഷന്റെ ഭാഗമായാണ് ആറ് ഐ ഫോണുകള് പലര്ക്കായി നല്കിയതെന്നാണ് സന്തോഷ് ഈപ്പന് നേരത്തെ പറഞ്ഞിരുന്നത്. യുഎഇ ദിനാഘോഷ ചടങ്ങിനെത്തിയ വിശിഷ്ടാതിഥികള്ക്കാണ് ഫോണ് നല്കിയതെന്നും അദ്ദേഹം വെളിപ്പെടുത്തിയിരുന്നു. ഇതില് ഒരു ഫോണ് ഉപയോഗിച്ചത് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി ശിവശങ്കറാണെന്ന് കസ്റ്റംസ് നെരത്തെ വ്യക്തമാക്കിയിരുന്നു.