പത്തനംതിട്ടയിൽ കോവിഡ്19 സംശയത്തെ തുടർന്ന് നിരീക്ഷണത്തിലുള്ള 5 പേരുടെ ഫലം നെഗറ്റീവ്. 7 പേരുടെ ഫലങ്ങൾ കൂടി പുറത്തുവരാനുണ്ട്. ചികിത്സയിലുള്ള നവജാത ശിശുവിന്റെ ആരോഗ്യനില തൃപ്തികരമാണെന്ന് ആരോഗ്യ വകുപ്പ് അധികൃതർ അറിയിച്ചു. 24 പേരാണ് പത്തനംതിട്ടയിൽ ചികിത്സയിലുള്ളത്.
കോവിഡ് 19 ബാധിതർ ചികിത്സക്കെത്തിയ കോട്ടയത്തെ ആശുപത്രി അടപ്പിച്ചു. ചെങ്ങളം സ്വദേശികൾ ചികിത്സക്കെത്തിയ തിരുവാതുക്കലിലെ ആശുപത്രിയാണ് പൂട്ടിച്ചത്. ആശുപത്രി അടക്കാൻ കളക്ടർ നേരത്തെ നൽകിയ നിർദ്ദേശം ആശുപത്രി ഉടമകൾ പാലിച്ചിരുന്നില്ല.കലക്ടർ നേരിട്ടെത്തിയാണ് പൂട്ടിച്ചത്. ക്ലിനിക്കിലെ ഡോക്ടർ നിരീക്ഷണത്തിലാണ്.
അതേസമയം ചെങ്ങളം സ്വദേശി അടുത്തിടപഴകിയ 24 പേരെ തിരിച്ചറിഞ്ഞു.ഇവരുമായി ഇടപഴകിയവരെ കണ്ടുപിടിക്കാനുള്ള ശ്രമം തുടരുകയാണ്. കൊറോണ ബാധയെ തുടർന്ന് തീവ്രപരിചണ വിഭാഗത്തിൽ ചികിത്സയിലുളള രോഗിയുടെ നിലഗുരുതരമാണെന്ന് റിപ്പോർട്ടുണ്ട്. കോട്ടയത്ത് മെഡിക്കല് കോളജില് പ്രത്യേക പനി ക്ലിനിക്ക് ആരംഭിച്ചു.