ഡല്ഹി: അധികാരികളെ ചോദ്യം ചെയ്യാന് പൗരന്മാര്ക്ക് അവകാശമുണ്ടെന്ന് സുപ്രീംകോടതി ജസ്റ്റിസ് രവീന്ദ്ര ഭട്ട്. നിരവധി മഹാത്മക്കളുടെ ജീവ ത്യാഗത്തിന്റെ ഫലമായാണ് സ്വാതന്ത്ര്യം നേടിയെടുക്കാന് സാധിച്ചത്. അതിനാല് ജനാധിപത്യം എപ്പോഴും ജനങ്ങളുടെ വിചാരണക്ക് വിധയമാണെന്നും ജസ്റ്റിസ് കൂട്ടിച്ചേര്ത്തു.
'ജനാധിപത്യത്തില് ജനങ്ങളുടെ സൂക്ഷ്മപരിശോധന സുപ്രധാനമാണ്. കോടതികളും ആ വ്യവഹാരത്തിന്റെ ഭാഗമാണ്. നിയമവ്യവസ്ഥയും നിയമം മൂലമുള്ള വ്യവസ്ഥയും രണ്ടാണ്. ഒന്ന് ജനാധിപത്യമാണ്, ജനങ്ങളാണ് ഭരണാധികാരികൾ. രണ്ടാമത്തേത് രാജാധികാരമാണ്. ഏകാധിപതിയുടെ അധികാരമാണത്. എല്ലാം പരാജയപ്പെടുമ്പോൾ നിയമവ്യവസ്ഥയുടെ തുടർച്ച നിലനിർത്താനുള്ള അവസാനത്തെ കേന്ദ്രമാണ് കോടതികളെന്നും കണക്ടിങ് ഗവേൺഡ്, ഗവേണിങ് ആൻഡ് ഗവേണൻസ് എന്ന ഫോറത്തിന്റെ ഒന്നാം വാർഷിക പരിപാടിയിൽ സംസാരിക്കുമ്പോള് ജസ്റ്റിസ് വ്യക്തമാക്കി.
അതോടൊപ്പം, അധികാരികളെ ചോദ്യം ചെയ്യാനുള്ള അവകാശം ഓരോ ഇന്ത്യക്കാരും ഉപയോഗപ്പെടുത്തണം. സ്വാതന്ത്ര്യവും, ജനാധിപത്യവും വളരെ അര്ത്ഥവത്തായ കാര്യങ്ങളാണ്. അത് മനസിലാക്കി ജോലി ചെയ്യാന് ഓരോ അധികാരിയേയും പ്രാപ്തരാക്കേണ്ടത് ജനങ്ങളാണ്. അക്രമങ്ങള് ഇല്ലാതെ ജനാധിപത്യത്തിന് കാവല് നില്ക്കേണ്ടത് ഓരോ പൌരന്റെയും കടമയാണെന്നും അദ്ദേഹം കൂട്ടിച്ചേര്ത്തു.