കണ്ണൂര്: വിവാഹ സത്കാരവുമായി ബന്ധപ്പെട്ട് കണ്ണൂര് ജില്ലയിലെ തോട്ടടയില് ബോംബേറില് യുവാവ് കൊല്ലപ്പെട്ട സംഭവത്തില് ഒരാളെ പൊലീസ് അറസ്റ്റുചെയ്തു. കഴിഞ്ഞ ദിവസം കസ്റ്റഡിയിലെടുത്ത നാല് പേരില് ഒരാളുടെ അറസ്റ്റാണ് രേഖപ്പെടുത്തിയത്. പ്രതികളെ തിരിച്ചറിഞ്ഞിട്ടുണ്ടെന്നും ബാക്കിയുള്ളവരെ വിശദമായി ചോദ്യം ചെയ്യുകയാണെന്നും അസിസ്റ്റന്റ് പൊലീസ് കമ്മീഷണര് സി പി സദാനന്ദന് അറിയിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അറസ്റ്റിലായ ജിഷ്ണുവിന്റെ സുഹൃത്ത് അക്ഷയ് കുറ്റം സമ്മതിച്ചിട്ടുണ്ട്. ഇവര് സഞ്ചരിച്ച വാഹനവും പിടിച്ചെടുത്തിട്ടുണ്ട്.സംഭവത്തില് പൊലീസിന് വീഴ്ച പറ്റിയിട്ടില്ലെന്നും അസിസ്റ്റന്റ് പൊലീസ് കമ്മീഷണര് മാധ്യമങ്ങളോട് പറഞ്ഞു. മൃതദേഹം മാറ്റാന് വൈകിയതല്ല. പരിക്കേറ്റ് കിടക്കുന്ന ആളുടെ ജീവന് രക്ഷിക്കാന് പെട്ടന്ന് ആശുപത്രിയിലെത്തിക്കാറുണ്ട്. എന്നാല് തലച്ചോര് ചിന്നിച്ചെതറി മരിച്ചുകിടക്കുന്ന നിലയിലായിരുന്നു മൃതദേഹമെന്നും എ സി പി അരിയിച്ചു. ഞായറാഴ്ച ഉച്ചയ്ക്കുശേഷം രണ്ടരയോടെയാണ് നാടിനെ നടുക്കിയ സംഭവമുണ്ടായത്. എച്ചൂര് പാതിരിക്കാട് സ്വദേശിയായ സി.എം ജിഷ്ണുവാണ് കൊല്ലപ്പെട്ടത്.