അമേരിക്കയില്‍ മരണനിരക്ക് ഇന്ന് 2,545
വാഷിംഗ്‌ടണ്‍: അമേരിക്കയില്‍ അഴിഞ്ഞ 24 മണിക്കൂറിനുള്ളില്‍ 2,545 പേരാണ് മരണപ്പെട്ടത്. കഴിഞ്ഞ മൂന്നു ദിവസങ്ങളിലും 2500 മുകളിലും തൊട്ടുതാഴേയുമായി രോഗികള്‍ മരണപ്പെട്ടു. ബുധന്‍ - 2437, വ്യാഴം - 2459, വെള്ളി - 2174 എന്നിങ്ങനെയാണ് കഴിഞ്ഞ ദിവസങ്ങളിലെ മരണനിരക്ക്. രോഗീവര്‍ദ്ധനവും അമേരിക്കയില്‍ നിയന്ത്രണാതീതമായി തുടരുകയാണ്. ഇന്നലെ 6,77,570 പേര്‍ക്ക് രോഗം സ്ഥിരീകരിച്ചിരുന്നു. കഴിഞ്ഞ 24 മണിക്കൂറിനകം ഇതില്‍ 32,451പേര്‍ക്കാണ് കൊറോണ ബാധ സ്ഥിരീകരിച്ചത്.
ലോകത്തെ മറ്റെല്ലാ രാഷ്ട്രങ്ങളെയും അപേക്ഷിച്ച് കോവിഡ്-19 മൂലമുള്ള മരണനിരക്ക് അമേരിക്കയില്‍ നിയന്ത്രണാതീതമായിത്തന്നെ തുടരുകയാണ്. ഏറ്റവും പുതിയ കണക്കനുസരിച്ച് 37,158- പേര്‍ ഇതിനകം മരണപ്പെട്ടു. 7,10,021 പേര്‍ക്ക് രോഗം സ്ഥിരീകരിച്ചിട്ടുണ്ട്. കഴിഞ്ഞ ദിവസങ്ങളില്‍ മരണനിരക്കില്‍ നേരിയ കുറവ് രേഖപ്പെടുത്തിയിരുന്നുവെങ്കിലും കഴിഞ്ഞ 96 മണിക്കൂറിനുള്ളില്‍ വലിയ വര്‍ദ്ധനവാണ് മരണസംഖ്യയില്‍ ഉണ്ടായത്.രോഗികളുടെ എണ്ണവും മരണനിരക്കും ക്രമാതീതമായി കൂടിക്കൊണ്ടിരിക്കുകയാണ്.
ന്യൂയോര്‍ക്കില്‍ മാത്രം കഴിഞ്ഞ 24 മണിക്കൂറിനുള്ളില്‍ 1,025 മരണം
രാജ്യത്ത് ഏറ്റവും കൂടുതല്‍ മരണം റിപ്പോര്‍ട്ട് ചെയ്യപ്പെട്ട ന്യൂയോര്‍ക്കില്‍ മരണസംഖ്യ17,131 ആയി. ഇവിടെ മാത്രം 2,33,951 പേര്‍ക്ക് രോഗബാധ സ്ഥിരീകരിച്ചു. 3,840 - പേര്‍ മരണമടഞ്ഞ ന്യൂ ജെഴ്സിയാണ് മരണ - രോഗ നിരക്കില്‍ തൊട്ടുപിറകില്‍ നില്‍ക്കുന്നത്. ഇവിടെ ഇതുവരെ 78,467 പേര്‍ക്ക് രോഗം സ്ഥിരീകരിച്ചിട്ടുണ്ട്. 1,041 പേര്‍ മരണമടഞ്ഞ കാലിഫോര്‍ണിയയില്‍ 29,175 - പേര്‍ക്ക് രോഗം സ്ഥിരീകരിച്ചിട്ടുണ്ട്. 30,023- പേര്‍ക്ക് രോഗം സ്ഥിരീകരിച്ച മിഷിഗണില്‍ 2,227 പേര്‍ മരണപ്പെട്ടു. ഫ്ലോറിഡ 726 മസ്സാച്ചുസെറ്റ്സ് -1.404, ലൂസിയാന -1,213 ഇല്ലിനോയിസ് -1,134, ജോര്‍ജ്ജിയ -6,68 എന്നിങ്ങനെയാണ് ഏറ്റവും പുതിയ മരണ നിരക്ക്.
തലസ്ഥാനമായ വാഷിംഗ്‌ടണില്‍ ഏറ്റവും ഒടുവിലെ കണക്കനുസരിച്ച് 607 പേര്‍ മരണമടഞ്ഞിട്ടുണ്ട്. 11,731 പേര്‍ക്കാണിവിടെ രോഗം സ്ഥിരീകരിച്ചിരിക്കുന്നത്. അമേരിക്കയില്‍ ബുധനാഴ്ചയ്ക്ക് മുന്‍പുള്ള മൂന്നു ദിവസമായി മരണനിരക്കില്‍ കുറവാണ് രേഖപ്പെടുത്തിയത് എങ്കില്‍ കഴിഞ്ഞ 96 മണിക്കൂറായി സ്ഥിതിഗതികള്‍ വീണ്ടും കൈവിട്ട അവസ്ഥയിലാണ്.
കഴിഞ്ഞ തൊണ്ണൂറ്റിനാലു മണിക്കൂറിനുള്ളില്‍ എല്ലാ സംസ്ഥാനങ്ങളിലും മരണനിരക്കില്‍ വന്‍ കുതിച്ചുചാട്ടമാണ് നടന്നിരിക്കുന്നത്. രാജ്യത്ത് സ്ഥിതിഗതികള്‍ അതീവ ഗുരുതരമായി തുടരുകയാണ്.
