പുതിയ പാഠവും സന്ദേശവുമാണ് കൊവിഡ് രോഗം നൽകുന്നതെന്ന് പ്രധാനമന്ത്രി നരേന്ദ്ര മോദി. കൊവിഡ് ഉയർത്തുന്നത് പുതിയ വെല്ലുവിളിയാണെന്നും പ്രധാനമന്ത്രി അഭിപ്രായപ്പെട്ടു. പഞ്ചായത്തീരാജ് ദിനത്തിൽ തദ്ദേശസ്വയംഭരണ സ്ഥാനപങ്ങളിലെ തലവന്മാരുമായി വീഡിയോ കോൺഫ്രൻസിൽ സംസാരിക്കുകയായിരുന്നു പ്രധാനമന്ത്രി.
ഗ്രാമങ്ങൾ ആത്മവിശ്വാസത്തോടെ കൊവിഡിനെ നേരിട്ടു. പഞ്ചായത്തുകളും സംസ്ഥാനങ്ങളും രാജ്യവും സ്വയം പര്യാപ്തമാകണം. ഒന്നേകാൽ ലക്ഷം പഞ്ചായത്തുകളിൽ ഇന്റർനെറ്റ് ബ്രോഡ്ബാൻഡ് സൗകര്യം എത്തിച്ചു. ഇത് വഴിസംസാരിക്കാൻ കഴിയുന്നത് സാങ്കേതിക വിദ്യയുടെ ഗുണമാണ്. പ്രശ്നങ്ങൾ ഉണ്ടാകുമ്പോഴേ അതിനെ മറികടക്കുന്നതിനുള്ള ആത്മവിശ്വാസം ഉണ്ടാകൂ. അത്തരം ആത്മവിശ്വാസമാണ് ഗ്രാമങ്ങൾക്ക് ലഭിച്ചത്. പ്രതിസന്ധികൾ ഇനിയും ഉണ്ടാകും, അതിനെയെല്ലാം രാജ്യം ഒറ്റക്കെട്ടായി നേരിടുമെന്നും മോദി പറഞ്ഞു. പഞ്ചായത്തുകൾ ശക്തിപ്പെടുത്തണം. ഇ- ഗ്രാമ സ്വരാജ് പോർട്ടലും മൊബൈൽ ആപ്പും പ്രധാനമന്ത്രി പുറത്തിറക്കി.