തിരുവനന്തപുരം: പീഡനക്കേസില് പ്രതിയായ എല്ദോസ് കുന്നപ്പിള്ളി എം എല് എ ജാമ്യവ്യവസ്ഥ ലംഘിച്ച് കോണ്ഗ്രസ് പ്ലീനറി സമ്മേളനത്തില് പങ്കെടുത്തു. എല്ദോസ് കുന്നപ്പിള്ളി സംസ്ഥാനം വിടരുതെന്ന ജമ്യവ്യവസ്ഥയാണ് ലംഘിച്ചത്. ഇക്കാര്യം ചൂണ്ടിക്കാട്ടി പരാതിക്കാരി രാഹുല് ഗാന്ധിക്കും കോണ്ഗ്രസ് നേതൃത്വത്തിനും പരാതി നല്കി. പാര്ട്ടിയില് നിന്നും പാർട്ടിയിൽ നിന്ന് സസ്പെൻഡ് ചെയ്യപ്പെട്ടയാളാണ് പ്ലീനറി സമ്മേളനത്തിൽ പങ്കെടുത്തതെന്നും യുവതി കത്തിൽ പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
റായ്പൂരിലെ പ്ലീനറി സമ്മേളനത്തില് എല്ദോസ് പങ്കെടുത്തത് ജാമ്യവ്യവസ്ഥയുടെ ലംഘനമാണെന്നും ജാമ്യം റദ്ദാക്കണമെന്ന് ആവശ്യപ്പെട്ട് കോടതിയെ സമീപിക്കാനാണ് തീരുമാനമെന്നും പരാതിക്കാരി വ്യക്തമാക്കി. സംസ്ഥാനം വിട്ടുപോകരുത്, രണ്ടുദിവസം കൂടുമ്പോള് അന്വേഷണ ഉദ്യോഗസ്ഥനുമുന്നില് ഹാജരാകണം എന്നീ ഉപാധികളോടെയാണ് എംഎല്എയ്ക്ക് കോടതി ജാമ്യം അനുവദിച്ചത്. തിരുവനന്തപുരം അഡീഷണല് ജില്ലാ സെഷന്സ് കോടതിയാണ് എല്ദോസിന് മുന്കൂര് ജാമ്യം അനുവദിച്ചത്.