തിരുവനന്തപുരം: കനത്ത മഴ തുടരുന്ന സാഹചര്യത്തില് സംസ്ഥാനത്തെ മൂന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. എറണാകുളം, കാസര്ഗോഡ്, ആലപ്പുഴ ജില്ലകളിലെ പ്രൊഫഷണല് കോളേജുകളുള്പ്പെടെയുളള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചത്. മുന് നിശ്ചയിച്ച പി എസ് സി, യൂണിവേഴ്സിറ്റി പരീക്ഷകള്ക്ക് മാറ്റമില്ല.
എറണാകുളം ജില്ലയിലെ അംഗണ്വാടികള്, കേന്ദ്രീയ വിദ്യാലയങ്ങള്, സി ബി എസ് ഇ, ഐസിഎസ്ഇ തുടങ്ങിയ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണെന്ന് ജില്ലാ കളക്ടര് വ്യക്തമാക്കി. കാസര്ഗോഡ് ജില്ലയിലെ കോളേജുകള്ക്ക് അവധി ബാധകമല്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, സംസ്ഥാനത്ത് കനത്ത മഴ തുടരുകയാണ്. ഇടുക്കി, കണ്ണൂര് ജില്ലകളില് അതിതീവ്ര മഴയ്ക്ക് സാധ്യതയുളളതിനാല് റെഡ് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം ഒഴികെയുളള ജില്ലകളില് ഓറഞ്ച് അലര്ട്ടാണ്. വെളളിയാഴ്ച്ച വരെ സംസ്ഥാനവ്യാപകമായി അതിശക്തമായ മഴയുണ്ടാകുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. എല്ലാ ജില്ലകളിലും കണ്ട്രോള് റൂം തുറന്നിട്ടുണ്ട്.