തിരുവനന്തപുരം: കേരളത്തില്‍ ചെറിയ ശമനം വന്നെങ്കിലും കാലവര്‍ഷം വീണ്ടും കനക്കുമെന്ന് കാലാവസ്ഥാ വകുപ്പ്. എന്നാല്‍ അതിതീവ്ര മഴക്ക് ശമാനമായെന്നാണ് വിലയിരുത്തല്‍. കാലവര്‍ഷം പ്രമാണിച്ച് ആറു ജില്ലകളില്‍ സംസ്ഥാന സര്‍ക്കാര്‍ യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. കാസര്‍ഗോഡ്‌, കണ്ണൂര്‍, കോഴിക്കോട്, തൃശൂര്‍, എറണാകുളം, ഇടുക്കി ജില്ലകളിലാണ് ഇന്ന് യെല്ലോ അലേര്‍ട്ട് പ്രഖ്യാപിച്ചിട്ടുള്ളത്.
കാലവര്‍ഷത്തിനു പുറമേ ഈ മാസം 16 (ഞായര്‍) ഓടെ ബംഗാള്‍ ഉള്‍ക്കടലില്‍ ചക്രവാത ചുഴി രൂപപ്പെടാന്‍ സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. നിലവില്‍ മധ്യ പടിഞ്ഞാറന്‍ ബംഗാള്‍ ഉള്‍കടലില്‍ ചക്രവാതചുഴി നിലനില്‍ക്കുന്നുണ്ട്. എന്നാല്‍ തെക്കന്‍ മഹാരാഷ്ട്ര തീരം മുതല്‍ വടക്കന്‍ കേരള തീരം വരെ തീരദേശ ന്യൂനമര്‍ദ്ദ പാത്തി ദുര്‍ബലമായതായും കാലാവസ്ഥാ നിരീക്ഷണ കേന്ദ്രം പറയുന്നു. കേരളത്തിലെയും കര്‍ണാകയിലേയും ലക്ഷദ്വീപിലെയും തീരക്കടലില്‍ മത്സ്യബന്ധനത്തിന് പോകാനുള്ള വിലക്ക് തുടരുകയാണ്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
മധ്യകേരളത്തില്‍ ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്ന സ്കൂളുകള്‍ക്ക് കലക്ടര്‍മാര്‍ അവധി പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, പത്തനംതിട്ട ജില്ലകളിലാണ് ഇത്തരത്തില്‍ അവധി പ്രഖ്യാപിച്ചത്. എന്നാല്‍ ആലപ്പുഴയില്‍ അവധി എല്‍ പി, യു പി വിഭാഗങ്ങള്‍ക്ക് മാത്രമായി പരിമിതപ്പെടുത്തിയിട്ടുണ്ട്.
