കൊച്ചി: എറണാകുളം മഹാരാജാസ് കോളേജിലുണ്ടായ സംഘര്ഷത്തില് എസ്എഫ്ഐ നേതാവിന് കുത്തേറ്റു. യൂണിറ്റ് സെക്രട്ടറി നാസര് അബ്ദുല് റഹ്മാനാണ് കുത്തേറ്റത്. ഇയാള് ആശുപത്രിയില് ചികിത്സയിലാണ്. ഇന്നലെ അര്ധരാത്രിയോടെയായിരുന്നു സംഭവം. കാലിനും വയറിന്റെ ഭാഗത്തും കൈയ്ക്കുമാണ് കുത്തേറ്റത്. ആക്രമണത്തിനു പിന്നില് കെ എസ് യു- ഫ്രറ്റേണിറ്റി പ്രവര്ത്തകരാണെന്ന് എസ് എഫ് ഐ ആരോപിച്ചു.
നാസര് കോളേജിലെ നാടക പരിശീലനവുമായി ബന്ധപ്പെട്ട് സംസാരിച്ചു നില്ക്കുന്നതിനിടെ ഇരുപതോളം പേരടങ്ങുന്ന സംഘം മാരകായുധങ്ങളുമായെത്തി ആക്രമിക്കുകയായിരുന്നുവെന്ന് എസ് എഫ് ഐ നേതാക്കള് പറഞ്ഞു. കഴിഞ്ഞ കുറച്ചു ദിവസങ്ങളായി കോളേജില് തുടരുന്ന ഫ്രറ്റേണിറ്റി- എസ് എഫ് ഐ സംഘര്ഷത്തിന്റെ തുടര്ച്ചയായാണ് ഈ ആക്രമണമെന്നാണ് പ്രാഥമിക നിഗമനം. സംഭവത്തില് പൊലീസ് 15 പേര്ക്കെതിരെ കേസെടുത്തിട്ടുണ്ട്. കെ എസ് യു- ഫ്രറ്റേണിറ്റി പ്രവര്ത്തകര്ക്കെതിരെയാണ് കേസെടുത്തത്. വധശ്രമം അടക്കം 9 വകുപ്പുകളാണ് പ്രതികള്ക്കെതിരെ ചുമത്തിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, എസ് എഫ് ഐ പ്രവര്ത്തകനെ കുത്തിപ്പരിക്കേല്പ്പിച്ചതിനെ തുടര്ന്ന് മഹാരാജാസ് കോളേജ് അനിശ്ചിത കാലത്തേക്ക് അടച്ചു. വിദ്യാര്ത്ഥി സംഘര്ഷം നിലനില്ക്കുന്ന പശ്ചാത്തലത്തിലാണ് നടപടി. പ്രിന്സിപ്പാളിന്റെ നേതൃത്വത്തില് ചേര്ന്ന അടിയന്തര യോഗത്തിലാണ് കോളേജ് അടച്ചിടാന് തീരുമാനമായത്.