ലോക്ഡൗൺ കാലത്തെ പ്രത്യേക ട്രെയിനുകളിൽ കേരളത്തിനത്തെ യാത്രക്ക് ടിക്കറ്റ് അനുവദിക്കില്ല. ഡൽഹിയിൽ നിന്ന് കേരത്തിലേക്ക് വരുന്ന ട്രെയിനുകളിലാണ് കേരളത്തിലെ ഒരു സ്റ്റേഷനിൽ നിന്ന മറ്റൊരു സ്റ്റേഷനിലേക്കുളള യാത്രക്ക് അനുമതി നിഷേധിച്ചത്. ഡൽഹിയിൽ നിന്ന് വരുന്ന ട്രെയിനുകൾക്ക് കോഴിക്കോട് എറണാകുളം തിരുവനന്തപുരം സ്റ്റേഷനുകളിലാണ് സ്റ്റോപ്പുള്ളത്. കോഴിക്കോട് നിന്ന് എറണാകുളം തിരുവനന്തപുരം എന്നിവിടങ്ങളിലേക്കും. എറണാകുളത്ത് നിന്ന് തിരുവനന്തപുരത്തേക്കും ടിക്കറ്റ് ബുക്ക് ചെയ്യാമായിരുന്നു. തിരിച്ചും ടിക്കറ്റ് ബുക്കിംഗിന് അവസരമുണ്ടായിരുന്നു. ഈ ബുക്കിംഗുകളാണ് റെയിൽവെ റദ്ദാക്കിയത്.
കേരളത്തിന്റെ ആവശ്യ പ്രകാരമാണ് ബുക്കിംഗ് നടപടിയെന്ന് റെയിൽവെ അറിയിച്ചു. ജില്ല വിട്ടുള്ള യാത്ര അനുവദിക്കരിതെന്നാണ് കേരളം റെയിൽവേയോട് ആവശ്യപ്പെട്ടത്. സംസ്ഥാനത്ത് പുറത്ത് വരുന്നവരെ ക്വാറന്റൈൻ ചെയ്യാനുള്ള ദൗത്യത്തിലാണ് കേരളമെന്നും അന്തർ ജില്ലാ യാത്രകൾ ആരംഭച്ചാൽ ഈ നടപടി താളം തെറ്റുമെന്നാണ് കേരളം ഇതിന് കാരണമായി ചൂണ്ടിക്കാട്ടിയിട്ടുള്ളത്. അന്തർ ജില്ലാ യാത്രക്കായി ടിക്കറ്റ് ബുക്ക് ചെയ്തവര‍്ക്ക് പണം മടക്കി നൽകുമെന്ന് റെയിൽവെ അറിയിച്ചു.
