തിരുവനന്തപുരം: ലോക്ക് ഡൌണ് ഇളവ് പ്രഖ്യാപിച്ചത് ജീവിതം മുന്നോട്ടുകൊണ്ടുപോകാനാണ്. അല്ലാതെ ആഘോഷിക്കാനുള്ള അവസരമായി എടുക്കരുതെന്ന് മുഖ്യമന്ത്രി പിണറായി വിജയന് പറഞ്ഞു. റിവേര്സ് ക്വാറന്റൈന് നിര്ദ്ദേശിച്ചത് വൃദ്ധര്ക്കും കുട്ടികള്ക്കും മറ്റ് രോഗങ്ങള് ഉള്ളവര്ക്കും രോഗം വരാതിരിക്കാനാണ്. ഇത് വിസ്മരിച്ചുകൊണ്ട് പലരും പുറത്തിറങ്ങുന്നതായി കാണുന്നുണ്ട്. അങ്ങനെ സംഭവിക്കാന് പാടില്ലാത്തതാണെന്നും മുഖ്യമന്ത്രി പറഞ്ഞു. ഇത്തരം മറവികളും ജാഗ്രതക്കുറവും സംഭവിക്കുമ്പോഴാണ് കേസേടുക്കേണ്ടി വരുന്നത് എന്നും മുഖ്യമന്ത്രി പറഞു.
ഇപ്പോള് കൊവിഡ് -19 രോഗ ബാധിതരില് ഉണ്ടായ വര്ദ്ധന ഗൌരവതരമായ മുന്നറിയിപ്പാണ്. നാം പ്രതിരോധ സന്നാഹങ്ങള് ഇനിയും വര്ദ്ധിപ്പിക്കേണ്ടതുണ്ട്. ഇനിയും കൂടുതല് ആളുകള് വന്നുകൊണ്ടിരിക്കും. കേരളീയരായ ഒരാളുടെ മുന്പിലും വാതിലുകള് കൊട്ടിയടക്കില്ല. എല്ലാവര്ക്കും ചികിത്സയും പരിചരണവും നല്കാനുള്ള സംവിധാനമൊരുക്കും.