കൊവിഡ് ബാധിച്ച് ഡൽഹിയിൽ മലയാളി നഴ്സ് മരിച്ചു. കോട്ടയം വള്ളിക്കോട് സ്വദേശി അംബികയാണ് മരിച്ചത്. 46 വയസ്സായിരുന്നു പനിയും ശ്വാസ തടസവും അനുഭവപ്പെട്ടതിനെ തുടർന്ന് രണ്ട് ദിവസം മുമ്പാണ് ഇവരെ സഫ്ദർജംഗ് ആശുപത്രിയിൽ പ്രവേശിപ്പിച്ചത്. രജൗരി ഗാർഡനിലാണ് ഇവർ താമസിച്ചിരുന്നത്. കീർത്തി നഗറിലെ സ്വകാര്യ ആശുപത്രിയിലെ നഴ്സായിരുന്നു.
വെന്റിലേറ്ററിലായിരുന്ന ഇവരുടെ മരണം വൈകീട്ടാണ് സ്ഥിരീകരിച്ചത്. ഇവരുടെ ഭർത്താവ് മലേഷ്യയിലാണ്. രണ്ട് മക്കളുണ്ട്. ഡൽഹിയിൽ 500 ഓളം മലയാളികൾ ഉൾപ്പെടെയുള്ള ആരോഗ്യപ്രവർത്തകർക്ക് കൊവിഡ് സ്ഥിരീകരിച്ചിരുന്നു. ആദ്യമായാണ് ഡൽഹിയിൽ കൊവിഡ് ബാധിച്ച മലയാളി നഴ്സ് മരിക്കുന്നത്