ജനീവ: ലോകരാജ്യങ്ങളില്‍ കൊവിഡ് -19 രോഗികളുടെ എണ്ണം താഴോട്ടാണ് പോകുന്നത് എങ്കിലും അത് ഇതു സമയത്തും കുത്തനെ ഉയരാമെന്ന വസ്തുത വിസ്മരിക്കരുത് എന്ന് ലോകാരോഗ്യ സംഘടന ലോക രാഷ്ട്രങ്ങള്‍ക്ക് മുന്നറിയിപ്പ് നല്‍കി. മിക്ക ലോക രാഷ്ട്രങ്ങളിലും ലോക്ക് ഡൌണ്‍ പിന്‍വലിക്കുന്ന സാഹചര്യത്തിലാണ് ഡബ്ല്യു.എച്ച്.ഒ - യുടെ മുന്നറിയിപ്പ്. ലോക്ക് ഡൌണ്‍ ക്രമേണ മാത്രമേ പിന്‍വലിക്കാവൂ അല്ലെങ്കില്‍ വിപരീത ഫലമാണുണ്ടാവുക. രോഗപ്രതിരോധത്തിന് പുതിയ മാര്‍ഗ്ഗങ്ങള്‍ കണ്ടെത്താനുള്ള അവസരമായി ഈ ഘട്ടത്തെ എടുക്കണമെന്നും ഡബ്ല്യു.എച്ച്.ഒ എമര്‍ജന്‍സി വിഭാഗം തലവന്‍ മൈക്ക് റയാന്‍ വ്യക്തമാക്കി.
കൊവിഡ് -19 വ്യാപനത്തിന്റെ തുടക്കത്തിലെ പ്രകമ്പനത്തിനാണ് ലോകം ഇപ്പോള്‍ സാക്ഷ്യം വഹിച്ചത്. രോഗവ്യാപന തോതില്‍ ചെറിയ കുറവ് അനുഭവപ്പെടുന്നുണ്ടെങ്കിലും നമ്മുടെ അശ്രദ്ധ രണ്ടാം വ്യാപനത്തിന് കാരണമായേക്കാം അത് കരുതിരിയിരിക്കണമെന്നും ലോകാരോഗ്യ സംഘടനാ നേതാക്കള്‍ മുന്നറിയിപ്പ് നല്‍കി.
