ലോക്ഡൗൺ ലംഘിച്ച് മദ്യം വിറ്റ ബാർ ഉടമയെ എക്സൈസ് അറസ്റ്റ് ചെയ്തു. മലപ്പുറം വണ്ടൂർ സിറ്റി പാലസ് ഉടമ നരേന്ദ്രനെയാണ് എക്സൈസ് അറസ്റ്റ് ചെയതത്. നരേന്ദ്രന്റെ വീട്ടിൽ നടത്തിയ പരിശോധനയിലാണ് മദ്യക്കുപ്പികൾ കണ്ടെത്തിയത്. അനധികൃതമായി സൂക്ഷിച്ച ആറ് ലിറ്ററോളം മദ്യമാണ് കണ്ടെത്തിയത്.
എക്സൈസിന് ലഭിച്ച രഹസ്യവിവരത്തെ തുടർന്നായിരുന്നു റെയ്ഡ്. ഇയാളുടെ ബാറിൽ നിന്ന് കടത്തി വീട്ടിൽ വിൽപനക്ക് വെച്ച മദ്യമായിരുന്നു ഇത്. വൻ വിലക്കാണ് മദ്യം വിൽപന നടത്തിയത്. തുടർന്ന് നരന്ദ്രന്റെ ബാറിൽ എക്സൈസ് പരിശോധന നടത്തി. ബാറിലെ മദ്യത്തിൽ അളവ് കുറവ് കണ്ടെത്തി. മൂന്ന് ബാർ ജീവനക്കാരെയും എക്സൈസ് അറസ്റ്റ് ചെയ്തു. പ്രതിയെ പെരിന്തൽമണ ഒന്നാം ക്ലാസ് മജിസ്ട്രേറ്റ് കോടതി റിമാന്റ് ചെയ്തു.