ലണ്ടന്‍: ബ്രിട്ടനില്‍ കഴിഞ്ഞ 24 മണിക്കൂറിനുള്ളില്‍ 181 പേരിലാണ് പുതുതായി രോഗം സ്ഥിരീകരിച്ചത്. ഏറ്റവും പുതിയ കണക്കനുസരിച്ച് ബ്രിട്ടനില്‍ ആകെ മരണപ്പെട്ടവരുടെ എണ്ണം 41,662 ആയി. ഇതുവരെ രാജ്യത്താകെ രോഗം സ്ഥിരീകരിച്ചവരുടെ എണ്ണം 2,94,375 ആയി.
കൊവിഡ്-19 വ്യാപനം രൂക്ഷമായ രാജ്യങ്ങളുടെ പട്ടികയില്‍ 4-ാം സ്ഥാനത്തുള്ള ബ്രിട്ടനില്‍ പ്രതിദിന രോഗീ മരണനിരക്ക് വലിയതോതില്‍ കുറഞ്ഞുവരികയാണ്. യൂറോപ്പില്‍ രോഗം ഏറ്റവും രൂക്ഷമായി നിന്നിരുന്ന ഇറ്റലി, സ്പെയിന്‍, ഫ്രാന്‍സ് എന്നീ രാജ്യങ്ങളെ പിന്തള്ളി രോഗീസംഖ്യയിലും മരണസംഖ്യയിലും .കുതിപ്പ് നടത്തിയ ബ്രിട്ടന്‍ പതുക്കെ സാധാരണ നിലയിലേക്ക് മടങ്ങുന്നതിന്റെ സൂചനകളാണ് ഡാറ്റ വിശകലനത്തിലൂടെ കാണാന്‍ കഴിയുന്നത്.
ദിനംപ്രതി 10,000 ത്തിലധികം പുതിയ രോഗികള്‍ റിപ്പോര്‍ട്ട് ചെയ്യപ്പെട്ടിടത്തുനിന്നാണ് ബ്രിട്ടന്‍ ഇപ്പോഴത്തെ താഴ്ന്ന നിലയിലേക്ക് എത്തിയത് എന്നത് ശ്രദ്ധേയമാണ്. ഇപ്പോള്‍ പ്രതിദിനം 1000 ത്തിനും 2000 ത്തിനും ഇടയിലാണ് പ്രതിദിന രോഗീ വര്‍ദ്ധന. നിരക്കുകള്‍ താഴ്ന്നതോടെ രാജ്യത്തെ വ്യാപാര വ്യാവസായിക മേഖലയിലെ നിയന്ത്രണം കുറച്ചിട്ടുണ്ട്. ലോക്ക് ഡൌണ്‍ നിയന്ത്രണങ്ങള്‍ ഉദാരമാക്കിയിട്ടുണ്ട്.
