ജോൺസണ്‍ ആൻഡ് ജോൺസണ്‍ കൊവിഡ് വാക്സിന്‍ പരീക്ഷണങ്ങൾ താത്കാലികമായി നിർത്തിവെച്ചു. പരീക്ഷണം നടത്തുവരിൽ ചിലർക്ക് ആരോഗ്യസ്വാസ്ഥ്യം അനുഭവപ്പെട്ടതുമൂലമാണ് മൂന്നാം ഘട്ട വാക്‌സിൻ പരീക്ഷണങ്ങൾ ഉൾപ്പെടെ നിർത്തിവെച്ചതെന്ന് കമ്പനി അറിയിച്ചു.
ആരോഗ്യ സ്ഥിതി മോശമാവാനുള്ള കാരണമെന്താണെന്ന് ഇതുവരെ കണ്ടെത്താനായിട്ടില്ല. എങ്കിലും ഒരു ക്ലിനിക്കൽ പഠനത്തിനിടെ ഇത്തരത്തിലുള്ള അനുഭവങ്ങൾ സാധാരണമാണെന്ന് ജോൺസണ്‍ ആൻഡ് ജോൺസണ്‍ അറിയിച്ചു. മരുന്നിന്റെ പാർശ്വഫലം കാരണമാണോ വ്യക്തികളിൽ ശരീരികസ്വാസ്ഥ്യം ഉണ്ടായത് എന്നറിയാനും പരീക്ഷണം തുടരേണ്ടതുണ്ടോ എന്ന് ചർച്ച ചെയ്യാനുമാണ് താത്കാലികമായി പ്രവർത്തനം നിർത്തിവെച്ചതെന്നും കമ്പനി അറിയിച്ചു.
സെപ്റ്റംബറിലാണ് ജോൺസണ്‍ ആൻഡ് ജോൺസണ്‍ വാക്‌സിന്റെ മൂന്നാം ഘട്ട പരീക്ഷണങ്ങൾ ആരംഭിച്ചത്. ലോകത്തുടനീളമുള്ള 200 നഗരങ്ങളിലെ 60,000-ത്തിലധികം പേരാണ് പരീക്ഷണത്തിന് ഭാഗമാകാൻ എത്തിയിരുന്നത്.
