ദുബായ്: ദുബായ് ഫിറ്റ്നസ് ചാലഞ്ചിന്റെ ഭാഗമായാണ് ദുബായ് കിരീടാവകാശി ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തുമിന്റെ നേതൃത്വത്തില് കാല് ലക്ഷത്തോളം സൈക്കിളുകള് ദുബായിലെ ശൈഖ് സായിദ് റോഡിനെ കീഴടക്കിയത്. ദുബായ് ഫിറ്റ്നസ് ചാലഞ്ചിന്റെ ഭാഗമായി ഇന്നലെ (വെള്ളി) വാഹന ഗതാഗതത്തിനു വിലക്ക് ഏര്പ്പെടുത്തിയിരുന്നു. പുലര്ച്ചെ നാലുമണിയോടെ ആരംഭിച്ച സൈക്കിള് റാലി രാവിലെ 8 മണി കഴിഞ്ഞാണ് സമാപിച്ചത്.
ഇരുഭാഗത്തേക്കുമായി 14 ട്രാക്കുകളുള്ള ശൈഖ് സായിദ് റോഡില് നാല് കിലോമീറ്റര് ദൂരത്തിലാണ് ഫാമിലി സൈക്കിള് റൈഡ് നടന്നത്. പലരും വിവിധ തരത്തിലുള്ള അഭ്യാസങ്ങളിലൂടെ റൈഡിനെ സമ്പന്നമാക്കി. വളരെ ചെറിയ കുട്ടികളും തങ്ങളുടെ കൊച്ചു സൈക്കിളുമായി അഭ്യാസത്തിന് എത്തിയിരുന്നു. മാസ്ക്ക് നിര്ബന്ധമല്ലാതിരുന്നിട്ടും പലരും കൊവിഡ് പ്രോട്ടോകോള് പാലിച്ചാണ് എത്തിയത്. നഗരത്തിന്റെ വിവിധ ഭാഗങ്ങളില് നിന്നും അബുദാബി തുടങ്ങി മറ്റു എമിറെറ്റ്സുകളില് നിന്നും സൈക്കിള് റാലിക്കായി ആയിരങ്ങള് എത്തിച്ചേര്ന്നിരുന്നു.
സുരക്ഷാ ചുമതലയ്ക്കൊപ്പം റാലിയുടെ ക്രമീകരണത്തിന്റെയും പങ്കെടുക്കുന്നവരുടെ വാഹനങ്ങള് പാര്ക്ക് ചെയ്യുന്നതിന്റെയും ചുമതല ദുബായ് പൊലീസിനായിരുന്നു.