കാന്ബറ: ഏകദിന ക്രിക്കറ്റില് ക്രിക്കറ്റ് ഇതിഹാസം സച്ചിന് ടെന്ഡുല്ക്കറുടെ റെക്കോര്ഡ് തകര്ത്ത് വിരാട് കോഹ്ലി. ഏകദിനത്തില് ഏറ്റവും വേഗത്തില് 12,000 റണ്സ് പിന്നിടുന്ന താരമെന്ന നേട്ടമാണ് കോഹ്ലി ഇതോടെ സ്വന്തമാക്കിയത്. കോഹ്ലിയുടെ 242ാം മത്സരത്തിലാണ് സച്ചിനെ മറികടന്നത് . 300ാം ഏകദിന ഇന്നിംഗ്സിലായിരുന്നു സച്ചിന് 12,000 റണ്സ് തികച്ചത്.
കന്ബറയിലെ ഏകദിനത്തിനിറങ്ങുമ്പോള് 241 ഇന്നിംഗ്സുകളിലായി 11.977 റണ്സായിരുന്നു കോഹ്ലി നേടിയിരുന്നത്. സച്ചിന് ടെന്ഡുല്ക്കറിനു ശേഷം ഏകദിനത്തില് ഏറ്റവും കൂടുതല് റണ്സ് നേടുന്ന താരമെന്ന നേട്ടം കോഹ്ലിക്ക് സ്വന്തമാണ്.
463 ഏകദിനങ്ങളിലായി 18,426 റണ്സാണ് സച്ചിന്റെ നേട്ടം. ഏകദിനത്തില് ഏറ്റവും വേഗത്തില് 10,000 റണ്സ് പിന്നിട്ട നേട്ടവും വിരാട് കോഹ്ലിക്കാണ്.205ാം ഇന്നിംഗ്സിലാണ് കോഹ്ലി 10,000 റണ്സ് പിന്നിട്ടത്. 11,00 റണ്സിനായി 222 ഇന്നിംഗ്സുകള് മാത്രമായിരുന്നു കോഹ്ലിക്ക് വേണ്ടിവന്നത്.