വിഖ്യാത ഹോളിവുഡ് നടൻ ടോം ഹാങ്ക്സിനും ഭാര്യ റീത്ത വിൽസണും കോവിഡ് 19 സ്ഥിരീകരിച്ചു. രോഗം സ്ഥിരീകരിച്ച വിവരം ടോം ഹാങ്ക്സ് തന്നെയാണ് വെളിപ്പെടുത്തിയത്. ഇൻസ്റ്റാഗ്രാമിലൂടെയാണ് ടോം ഹാങ്ക്സ് വിവരം പുറം ലോകത്തെ അറിയിച്ചത്.
ബുധനാഴ്ചയാണ് ടോം ഹാങ്ക്സ് വിവരം പുറത്തുവിട്ടത്. പുതിയ സിനിമയുടെ ഭാഗമായി ഓസ്ട്രേലിയയിലാണ് ടോം ഹാങ്ക്സ്. എൽവിസ് പ്രസ്ലിയുടെ ജീവിതം ആധരമാക്കി നിർമിക്കുന്ന സിനിമാ ഷൂട്ടിംഗിനായാണ് ടോം ഹാങ്ക്സ് സിഡ്നിയിൽ എത്തിയത്.
ഭാര്യക്ക് ക്ഷീണം അനുഭവപ്പെട്ടിരുന്നു, രണ്ടു പേർക്കും ജലദോഷവും ശരീരവേദനയും ഉണ്ട്, കൊറോണ പരിശോധനയിൽ ഫലം പോസിറ്റീവാണെന്ന് 63 കാരനായ ടോംഹാങ്ക്സ് ഇൻസ്റ്റാഗ്രാമിൽ കുറിച്ചു.
പൊതുജന ആരോഗ്യവും സുരക്ഷയും മുൻനിർത്തി ആവശ്യമുള്ള അത്രയും കാലം ഐസൊലേഷനിൽ തുടരുമെന്നും അദ്ദേഹം അറിയിച്ചു.