തെന്നിന്ത്യൻ സൂപ്പർ താരം അല്ലു അർജുന് കോവിഡ്. അല്ലു അർജുൻ തന്നെയാണ് ഇക്കാര്യം സോഷ്യൽ മീഡിയ വഴി ആരാധകരെ അറിയച്ചത്.. കോവിഡ് പ്രോട്ടോക്കോൾ പാലിച്ച് ക്വാറന്റീനിൽ ആണെന്ന് പറഞ്ഞ അല്ലു അർജുൻ സമ്പർക്കത്തിൽ വന്നവർ കൊവിഡ് പരിശോധന നടത്തണമെന്ന് ആവശ്യപ്പെട്ടു.
ആക്ഷൻ ചിത്രം 'പുഷ്പ'യുടെ ചിത്രീകരണം പുരോഗമിക്കവെയാണ് അല്ലു രോഗബാധിതനായത് . ഫഹദ് ഫാസിലും ചിത്രത്തിൽ അഭിനയിക്കുന്നുണ്ട്. ഫഹദിൻറെ ആദ്യ തെലുങ്ക് ചിത്രമാണ് ഇത്. വില്ലനായാണ് ഫഹദ് അഭിനയിക്കുന്നത്. സുകുമാറാണ് ചിത്രത്തിന്റെ സംവിധായകൻ. റസൂൽ പൂക്കുട്ടിയാണ് ചിത്രത്തിന്റെ ശബ്ദ സംയോജനം. ചിത്രത്തിലെ അല്ലു അർജുന്റെ ക്യാരക്റ്റർ ടീസറിന് വലിയ പ്രതികരണം ലഭിച്ചിരുന്നു.
ഓഗസ്റ്റ് 13 നാണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. പുതിയ സാഹചര്യത്തിൽ ഇത് നീണ്ടുപോകാൻ സാധ്യതയുണ്ട്.