ഡല്ഹി: സിബിഐ ഡയറക്ടര് സ്ഥാനത്തേക്ക് മഹാരാഷ്ട്ര മുന് ഡി.ജി.പിയും,സി.ഐ.എസ്.എഫ് ഡയരക്ടറുമായ സുബോധ് കുമാര് ജയ്സ്വാളിനെ തെരഞ്ഞെടുത്തു. പ്രധാനമന്ത്രി, ലോക് സഭയിലെ പ്രതിപക്ഷ നേതാവ്, സുപ്രീംകോടതി ചീഫ് ജസ്റ്റിസ് എന്നിവര് ചേര്ന്നാണ് സിബിഐ ഡയറക്ടറെ തെരഞ്ഞെടുത്തത്.
വിരമിക്കാന് ആറു മാസത്തിലധികം ഉള്ളവരെ മാത്രം സിബിഐ തലപ്പത്തേക്ക് പരിഗണിച്ചാല് മതിയെന്ന് സുപ്രീംകോടതി ചീഫ് ജസ്റ്റിസ് എന്. വി രമണ നിലാപാട് എടുത്തിരുന്നു. അതിനാല് സിബിഐ ഡയറക്ടര് സ്ഥാനത്തേക്ക് പോലീസ് മേധാവി ബഹ്റയെ പരിഗണിച്ചിരുന്നില്ല. ഉന്നതതല സമിതി തയ്യാറാക്കിയ മൂന്നംഗ പട്ടികയില് നിന്നാണ് പുതിയ സി.ബി.ഐ. ഡയറക്ടറെ കേന്ദ്ര സര്ക്കാരിന്റെ നിയമന സമിതി തെരഞ്ഞെടുത്തത്.
സര്വീസ് കാലാവധി ആറു മാസത്തിലധികമുള്ളവരെ മാത്രമേ ഡയറക്ടര് സ്ഥാനത്തേക്ക് പരിഗണിക്കാവുവെന്ന സുപ്രീം കോടതിയുടെ വിധി ഇത്തവണ കര്ശനമായി നടപ്പാക്കുന്നതിനാലാണ് ബഹ്റക്ക് അവസരം നഷ്ടമായത്. നപടി ക്രമങ്ങള് പാലിച്ച് മാത്രമേ നിയമനം നടത്താന് പാടുള്ളുവെന്ന് ചീഫ് ജസ്റ്റിസ് എന്. വി രമണ നിലപാട് സ്വീകരിച്ചതോടെ കേന്ദ്ര സര്ക്കാര് നിര്ദേശിച്ച രാകേഷ് അസ്താന, വൈ.സി. മോദി എന്നിവരും ലിസ്റ്റില് നിന്ന് പുറത്തായി.