ടെക്സാസ്: അമേരിക്കയിലെ ഗര്ഭച്ഛിദ്ര നിരോധന ബില്ലിനെതിരെ ടെക്സാസ് വിദ്യര്ത്ഥിനിയായ പാക്സ്റ്റണ് സ്മിത്ത്. തന്റെ ബിരുദ ദാനചടങ്ങിനിടെ നടത്തിയ പ്രസംഗമാണ് ഇപ്പോള് വൈറലായിരിക്കുന്നത്. ബിരുദം ലഭിച്ചതിലെ സന്തോഷമല്ല പകരം ഗര്ഭച്ഛിദ്ര അവകാശമാണ് പാക്സ്റ്റണ് സ്മിത്ത് തന്റെ പ്രസംഗത്തില് ഉയര്ത്തി പിടിച്ചത്.
ടെക്സാസിലെ ലേയ്ക്ക് ഹൈലാന്ഡ് ഹൈസ്കൂളിലെ ബിരുദദാനചടങ്ങിനിടെയാണ് പാക്സ്റ്റണ് സ്മിത്ത് പ്രസംഗം നടത്തിയത്. ടെക്സാസ് ഗവര്ണര് ഗെര്ഗ്ഗ് അബോട്ട് കഴിഞ്ഞ മാസം ഒപ്പ് വെച്ച ഹാര്ട്ട് ബീറ്റ് ബില്, തന്റെ അവകാശങ്ങള്ക്കും, സ്ത്രീകള്ക്കും എതിരെയുള്ള യുദ്ധ പ്രഖ്യാപനമാണെന്നാണ് പ്രസംഗത്തില് പാക്സ്റ്റണ് പറഞ്ഞത്.
എന്റെ ശരീരത്തിനും, അവകാശങ്ങള്ക്കുമെതിരെ ഒരു യുദ്ധം നടക്കുമ്പോള് എനിക്ക് നിശബ്ദയായിരിക്കാന് സാധിക്കില്ല. ആ യുദ്ധം നമ്മുടെ അമ്മമാര്ക്കെതിരാണ്, സഹോദരിമാര്ക്ക് എതിരാണ്, എല്ലാ പെണ്കുട്ടികളുടെയും അവകാശങ്ങള്ക്കുമെതിരാണ്. അതിനാല് നമ്മുക്ക് മിണ്ടാതെയിരിക്കാന് സാധിക്കില്ല. ഇത് നമുക്ക് വേണ്ടി കൂടിയുള്ള പ്രതിരോധമാണ് പാക്സ്റ്റണ് സ്മിത്ത് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പുതിയ നിയമം അനുസരിച്ച് പരിശോധനയില് കുഞ്ഞിന്റെ ഒരു ഹൃദയമിടിപ്പെങ്കിലും കേള്ക്കുന്നുണ്ടെങ്കില് അത് ഇത് സാഹചര്യമാണെങ്കിലും ഗര്ഭച്ഛിദ്രം നടത്താന് പാടില്ലയെന്നാണ്. ഗര്ഭച്ഛിദ്രം നടത്തുകയോ, നടത്താന് കൂടെ നില്ക്കുകയോ ചെയ്താല് പതിനായിരം ഡോളറാണ് പിഴ.