ഡല്ഹി: മോദി സമുദായത്തെ അപമാനിക്കുന്ന തരത്തില് ഒരു പരാമര്ശവും നടത്തിയിട്ടില്ലെന്ന് കോണ്ഗ്രസ് നേതാവ് രാഹുല് ഗാന്ധി. ഒരു സമുദായത്തെയും അപമാനിക്കുക എന്ന ലക്ഷ്യം വച്ചല്ല തന്റെ പരാമര്ശം. തെരഞ്ഞെടുപ്പ് റാലിക്കിടെ ഉണ്ടായ തമാശരൂപേണയുളള പരാമര്ശം മാത്രമായിരുന്നു അതെന്നും രാഹുല് ഗാന്ധി പറഞ്ഞു. മോദി സമുദായത്തെ അപമാനിക്കുന്ന പരാമര്ശം നടത്തിയെന്ന ബിജെപി എംഎല്എയുടെ പരാതിയില് സൂറത്തിലെ മജിസ്ട്രേറ്റ് കോടതിയിലെത്തിയാണ് രാഹുല് മൊഴി നല്കിയത്.
2019 ഏപ്രില് 13-ന് കര്ണാടകയില് നടന്ന തെരഞ്ഞെടുപ്പ് റാലിയില് രാഹുല് നടത്തിയ പരാമര്ശമാണ് കേസിനാധാരം. 'നരേന്ദ്ര മോദി, നീരവ് മോദി, ലളിത് മോദി.. എങ്ങനെയാണ് ഇവര്ക്കെല്ലാം മോദി എന്ന കുടുംബപ്പേര് ലഭിച്ചത്. എല്ലാ കളളന്മാര്ക്കും എങ്ങനെയാണ് മോദി എന്ന കുടുംബപ്പേര് ലഭിച്ചത് എന്നായിരുന്നു രാഹുലിന്റെ ചോദ്യം'.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നരേന്ദ്രമോദി ഒരു വ്യവസായിക്ക് 30 കോടി രൂപ നല്കി എന്ന ആരോപണം ഉന്നയിച്ചിട്ടുണ്ടോ എന്ന കോടതിയുടെ ചോദ്യത്തിന് ഒരു ദേശീയ നേതാവ് എന്ന നിലയില് അഴിമതി, തൊഴിലില്ലായ്മ തുടങ്ങിയ വിഷയങ്ങളില് രാജ്യതാല്പ്പര്യങ്ങളെ മുന്നിര്ത്തി ആരോപണങ്ങള് ഉന്നയിക്കാറുണ്ടെന്നായിരുന്നു രാഹുലിന്റെ മറുപടി. കേസ് ജൂലൈ 12-ന് വീണ്ടും പരിഗണിക്കും.