കൊവിഡ്- 19 പ്രതിരോധത്തിനായി 5 ടി പദ്ധതി പ്രഖ്യപിച്ച് ഡൽഹി മുഖ്യമന്ത്രി അരവിന്ദ് കെജരിവാൾ. ടെസ്റ്റിങ്, ട്രെയിസിങ്, ട്രീറ്റ്മെന്റ്, ടീംവർക്ക്, ട്രാക്കിങ് എന്നിവയാണ് 5 ടി പദ്ധതി. ഡോക്ടർമാരും, ആരോഗ്യ രംഗത്തെ വിദഗ്ധരുമായി ചർച്ച ചെയ്താണ് പദ്ധതി തയ്യാറാക്കിയത്. റാപ്പിഡ് ടെസ്റ്റിനായി ഒരുലക്ഷം കിറ്റുകൾ ഓർഡർ ചെയ്തിട്ടുണ്ടെന്ന് മുഖ്യമന്ത്രി അറിയിച്ചു. വെള്ളിയാഴ്ച ഇവ എത്തുമെന്നും അദ്ദേഹം അറിയിച്ചു.
ഡൽഹിയിൽ കൊറോണ വൈറസ് ഹോട്ട്സ്പോട്ടുകളിൽ റാപിഡ് ആൻറി ബോഡി ടെസ്റ്റ് ആരംഭിച്ചു. വൈറസ് ബാധിയുടെ ഹോട്ട് സ്പോർട്ടായ നിസാമുദ്ദീനിലും ദിൽഷാദ് ഗാർഡനിലുമാണ് റാപ്പിഡ് ടെസ്റ്റ് നടത്തുന്നത്. ഐസിഎംആറിൻെറ നിർദേശം അനുസരിച്ചാണ് പരിശോധന. അടിയന്തര സാഹചര്യം നേരിടാൻ മൂന്നു സർക്കാർ ആശുപത്രികളിലായി 2950 ബെഡുകൾ ഒരുക്കിയിട്ടുണ്ട്. 12,000ത്തോളം ഹോട്ടലുകൾ ഐസൊലേഷൻ വാർഡുകളാക്കും.രോഗം മൂർച്ഛിച്ചവരെയായിരിക്കും ആശുപത്രിയിൽ പ്രവേശിപ്പിക്കുക. 400 വെന്റിലേറ്റർ സൗകൗര്യവും 1200 ബെഡുകളിൽ ഓക്സിജൻ സൗകര്യവും ഒരുക്കുമെന്നും കെജരിവാൾ അറിയിച്ചു. 30000 ത്തോളം രോഗബാധിതരുണ്ടെന്നാണ് ആരോഗ്യവകുപ്പിന്റെ നിഗമനം