മുംബൈയിലെ താജ് ഹോട്ടലിൽ 6 ജീവനക്കാര്‍ക്ക് കൊവിഡ് സ്ഥിരീകരിച്ചു. മുംബൈയിലെ ഡോക്ടറാണ് വിവരം പുറത്തു വിട്ടത്. ഇന്ത്യൻ ഹോട്ടൽസ് കമ്പനി ജീവനക്കാർക്ക് രോഗം സ്ഥിരീകരിച്ചിട്ടുണ്ട്. കൊറോണ രോഗികളെ ചികിത്സിക്കുന്ന ഡോക്ടര്‍മാർക്ക് താജ് ഹോട്ടൽ താമസ സൗകര്യം ഒരുക്കിയിട്ടുണ്ട്. ഇവരിൽ നിന്ന് കൊവിഡ് പകർന്നിരിക്കാനാണ് സാധ്യത.
മഹാരാഷ്ട്രയിൽ കൊവിഡ് ബാധിതരുടെ എണ്ണം 1895 ആയി. ഇന്ന് മാത്രം സംസ്ഥാനത്ത് 134 പേർക്ക് അസുഖം സ്ഥിരീകരിച്ചു. മുംബൈ ധാരാവിയിൽ 15 പേർക്ക് കൂടി രോഗം ബാധിച്ചു. ധാരാവിയിൽ രോഗബാധിതരുടെ എണ്ണം 43 ആയി. കർണാടകയിൽ രോഗ ബാധിതരുടെ എണ്ണം 226 ആയി. പൂനെ നഗരത്തിൽ കൊവിഡ് ബാധിച്ച് രണ്ട് പേർ മരിച്ചു. മുംബൈയിൽ 3 മാധ്യമ പ്രവർത്തകർക്ക് കോവിഡ് സ്ഥിരീകരിച്ചു. ഇവരുടെ സഹപ്രവർത്തകർക്ക് കൊറോണ വൈറസ് ബാധയില്ലെന്ന് പരിശോധനയിൽ വ്യക്തമായി. താനെയിൽ പൊലീസ് ഉദ്യോസഗസ്ഥന് കൊവിഡ് സ്ഥിരീകരിച്ചു.
