ഇന്ത്യയില്‍ നൂറോളം മെഡിക്കല്‍ പ്രൊഫഷണലുകള്‍ക്ക് കൊറോണ ബാധ

ഡല്‍ഹി: ഇന്ത്യയിലാകെ നൂറോളം മെഡിക്കല്‍ പ്രൊഷണലുകള്‍ക്ക് കോവിഡ് -19 സ്ഥിരീകരിച്ചതായി ഔദ്യോഗിക വിവരം. സ്വന്തം സുരക്ഷപോലും തൃണവല്‍ഗണിച്ച് രോഗീ പരിചരണത്തില്‍  മുഴുകിയ ഡോക്ടര്‍മാരും നഴ്സുമാരും ഉള്‍പ്പെടെയുള്ള ആരോഗ്യപ്രവര്‍ത്തകര്‍ക്കാണ് രോഗം സ്ഥിരീകരിച്ചത്.

കോവിഡ് -19 രോഗികളാണെന്ന് തിരിച്ചറിയാതെ രോഗികളുമായി ഇടപഴകേണ്ടി വന്നവര്‍ക്കും, വേണ്ടത്ര മുന്‍ കരുതലില്ലാതെ  കോവിഡ് -19 രോഗികളെ ചികിത്സിച്ചവരും ഇതില്‍പെടും. രാജ്യത്ത് ഇതുവരെ 8,450 പേര്‍ക്കാണ് കോവിഡ് -19 സ്ഥിരീകരിച്ചത്.