കൊവിഡ് രോഗം ബാധിച്ച് ദുബായിൽ ഒരു മലയാളി കൂടി മരിച്ചു. തിരുവനന്തപുരം രാമന്പുത്തൂര് സ്വദേശി സിറിൾ റോയ് ആണ് മരിച്ചത്. 58 വയസ്സായിരുന്നു. ദുബായിൽ ഓട്ടോമൊബൈൽ സ്പെയർപാർട്സ് ബിസിനസ് നടത്തിവരികായിരുന്നു. മേരിയാണ് ഭാര്യ. കൊറോണ ബാധിച്ച ദുബായിൽ മരിക്കുന്ന മലയാളികളുടെ എണ്ണം 5 ആയി. പ്രവാസികളെ കേരളത്തിൽ എത്തിക്കാൻ സംവിധാനം ഒരുക്കണമെന്ന ആവശ്യം ശക്തമായിരിക്കെയാണ് ഒരാൾ കൂടി ദുബായിൽ മരിക്കുന്നത്.
കോവിഡ് ബാധിച്ച് ഇന്ന് ഒരു മലയാളി ന്യൂയോർക്കിൽ മരിച്ചിരുന്നു.പത്തനംതിട്ട റാന്നി അത്തിക്കയം മടന്തമൺ സ്വദേശി അച്ചൻകുഞ്ഞാണ് മരിച്ചത്. അച്ചൻകുഞ്ഞിന്റെ ഭാര്യ ജാനമ്മയും 3 മക്കളും രോഗബാധിതരായിരുന്നു. ഇവരെ പരിചരിച്ചതിൽ നിന്നാണ് രോഗം പകർന്നെതെന്നാണ് നിഗമനം. വർഷങ്ങളായി ന്യൂയോർക്കിൽ താമസിക്കുന്ന അച്ചൻകുഞ്ഞ് റെസ്റ്റോറന്റ് ഉടമയാണ്. കൊവിഡ് പ്രോട്ടോക്കോൾ പ്രകാരം സംസ്കാരം പിന്നീട് നടക്കും. പത്തനംതിട്ട ജില്ലക്കാരായ 9 പേരാണ് ഇതുവരെ അമേരിക്കയിൽ കൊവിഡ് ബാധിച്ച് മരിച്ചത്.