ലണ്ടന്: ഡെയ്ലി മെയില് പ്രസാദകര്ക്കെതിരെ സ്വകാര്യതാ ലംഘനത്തിന് കേസ് കൊടുത്ത് ഹാരി രാജകുമാരന്. ഹാരി രാജകുമാരനെക്കൂടാതെ ഗായകന് എല്ട്ടണ് ജോണ്, നടിമാരായ ലിസ് ഹര്ലി, സാഡി ഫ്രോസ്റ്റ്, എല്ട്ടണ് ജോണിന്റെ ഭര്ത്താവ് ഡേവിഡ് ഫര്ണിഷ്, ജമെയ്ക്കന് ക്യാംപെയ്നറും വംശീയ നരഹത്യയ്ക്കിരയായ സ്റ്റീഫന് ലോറന്സന്റെ അമ്മയുമായ ഡോറിന് ലോറന്സ് എന്നിവരും ഡെയ്ലി മെയിലിനെതിരെ പരാതി നല്കിയിട്ടുണ്ട്. ഡെയ്ലി മെയില് വീടുകളിലും കാറുകളിലും റെക്കോര്ഡിംഗ് ഡിവൈസുകള് സ്ഥാപിക്കുകയും സ്വകാര്യതാ ലംഘനം നടത്തുകയും ചെയ്തു എന്നാണ് ആരോപണം.
വീടുകളിലും കാറുകളിലും റെക്കോര്ഡിംഗ് ഡിവൈസുകള് സ്ഥാപിക്കാനായി പ്രൈവറ്റ് ഇന്വെസ്റ്റിഗേറ്റേഴ്സിനെ നിയമിച്ചു. സ്വകാര്യ ഫോണ് കോളുകള് റെക്കോര്ഡ് ചെയ്തു. തന്ത്രപ്രധാനമായ വിവരങ്ങള് നല്കുന്നതിന് പൊലീസ് ഉദ്യോഗസ്ഥര്ക്ക് പണം നല്കി. സ്വകാര്യ മെഡിക്കല് വിവരങ്ങള് ലഭിക്കുന്നതിനായി ആള്മാറാട്ടം നടത്തി, ബാങ്ക് അക്കൗണ്ടുകള് സംബന്ധിച്ച വിവരങ്ങള് ചോര്ത്തി തുടങ്ങിയവയാണ് ഡെയ്ലി മെയിലിനെതിരെ ഉയരുന്ന പ്രധാന ആരോപണങ്ങള്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
എന്നാല് ഡെയ്ലി മെയില് ടാബ്ലോയിഡിന്റെ ഉടമസ്ഥ കമ്പനിയായ അസോസിയേറ്റഡ് ന്യൂസ്പേപ്പേഴ്സ് ആരോപണങ്ങള് നിഷേധിച്ചു. 'ആരോപണങ്ങള് അടിസ്ഥാനരഹിതമാണ്. കേസ് നല്കിയവരുടെ പക്കല് വിശ്വസനീയമായ തെളിവുകളൊന്നുമില്ല. പരാതി നല്കിയവര് നേരത്തെയും പല മാധ്യമങ്ങള്ക്കെതിരെയും ഇത്തരം ആരോപണങ്ങളുന്നയിച്ചിട്ടുണ്ട്' എന്നാണ് അസോസിയേറ്റഡ് ന്യൂസ്പേപ്പേഴ്സ് വക്താവിന്റെ വിശദീകരണം.