കൊവിഡ് ബാധിച്ച് യുഎഇയിൽ രണ്ട് മലയാളികൾ മരിച്ചു. ദുബായിയിൽ ഒറ്റപ്പാലം മുളഞ്ഞൂർ നെല്ലിക്കുറിശ്ശി സ്വദേശി അഹമ്മദ് കബീർ(47), പത്തനംതിട്ട തുമ്പമൺ സ്വദേശി കോശി സക്കറിയ(51) എന്നിവരാണ് മരിച്ചത്.
കബീറിനെ 4 ദിവസം മുമ്പാണ് ആശുപത്രിയിൽ പ്രവേശിപ്പിച്ചത്. കൊവിഡ് ലക്ഷണങ്ങൾ ഇയാൾക്കുണ്ടായിരുന്നു. നില വഷളായതിനാൽ ഐസിയുവിൽ മാറ്റി. ന്യൂമോണിയ ബാധയും ഉണ്ടായിരുന്നു. കബീറിന്റെ കബറടക്കം ദുബായിൽ നടക്കും.
കൊവിഡ് ബാധിച്ച് ഗൾഫിൽ മരിച്ച മലയാളികളുടെ എണ്ണം 13 ആയി. ഇവരിൽ 9 പേർ യുഎഇയിലാണ് മരിച്ചത്. ലോകത്താകെ കോവിഡ് ബാധിച്ച് 40 മലയാളികളാണ് മരിച്ചത്. 23 പേർ മരിച്ചത് അമേരിക്കയിലാണ്.