ബ്രിട്ടനില മരണനിരക്ക് - 413
ലണ്ടന് : ബ്രിട്ടനില് കോവിഡ് -19 മൂലമുള്ള മരണസംഖ്യ കൂടുകയാണ്. കഴിഞ്ഞ 24 മണിക്കൂറിനുള്ളില് 413 പേരാണ് മരണപ്പെട്ടത്. എന്നാല് ഇന്നലത്തെ ( ഞായര്) മരണനിരക്കിന്റെ പകുതിയോളം കുറവാണ് ഇന്ന് രേഖപ്പെടുത്തിയത് എന്നത് ശുഭ സൂചനയാണ്. ഇന്നലെ 813 പേരാണ് മരണപ്പെട്ടത്.
ഇതോടെ ആകെ മരണപ്പെട്ടവരുടെ എണ്ണം 20,732 ആയി. കഴിഞ്ഞ ദിവസങ്ങളിലെല്ലാം 800 നു തൊട്ടുതാഴെയും മുകളിലുമായാണ് ദിനംപ്രതിയുള്ള മരണനിരക്ക് രേഖപ്പെടുത്തിയിരുന്നത്. ഇടയ്ക്കൊന്ന് താഴോട്ടുപോയ മരണനിരക്ക് വീണ്ടും ഉയര്ന്ന് പെട്ടെന്നൊരു ഇറക്കമാണ് ഇന്ന് കാണിച്ചിരിക്കുന്നത്.
രോഗീവര്ദ്ധനാ നിരക്ക് കുതിക്കുന്നു.
ബ്രിട്ടനില് കഴിഞ്ഞ 24 മണിക്കൂറിനുള്ളില് 4,463 പേര്ക്കാണ് രോഗം സ്ഥിരീകരിച്ചത്. ഇത് ഇന്ന് യൂറോപ്പിലെ ഏറ്റവും ഉയര്ന്ന നിരക്കാണ്. ബ്രിട്ടന് രോഗാവസ്ഥയുടെ ഏറ്റവും ഉയര്ന്ന തലത്തിലൂടെയാണ് ഇപ്പോള് സഞ്ചരിച്ചുകൊണ്ടിരിക്കുന്നത്. ബ്രിട്ടനില് ഇതിനകം രോഗം സ്ഥിരീകരിച്ചവരുടെ എണ്ണം 1,52,840 ആയി.
എന്നാല് ഇറ്റലി, സ്പെയിന്, ഫ്രാന്സ് തുടങ്ങിയ രാജ്യങ്ങളുമായി താരതമ്യം ചെയ്യുമ്പോള് രോഗികളുടെ എണ്ണം ബ്രിട്ടനില് വളരെ കുറവായിരുന്നു. എന്നാല് ഇക്കാര്യത്തില് വലിയ കുതിപ്പാണ് രാജ്യം നടത്തിയിരിക്കുന്നത്.