തിരുവനന്തപുരം: സംസ്ഥാനത്ത് വ്യാപക മഴ തുടരുമെന്ന് കാലാവസ്ഥാ വകുപ്പ്. ആറ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് യെല്ലോ അലര്ട്ട്. നാളെ ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെടാന് സാധ്യതയുണ്ടെന്നും അടുത്ത അഞ്ചുദിവസം സംസ്ഥാനത്ത് വ്യാപകമായി മഴയുണ്ടാകുമെന്നും കാലാവസ്ഥാ വകുപ്പ് അറിയിച്ചു.
തെക്കന് ഒഡീഷയ്ക്കും വടക്കന് ആന്ധ്രാപ്രദേശിനും മുകളില് നിലനില്ക്കുന്ന ന്യൂനമര്ദ്ദവും നാളെ ബംഗാള് ഉള്ക്കടലില് രൂപപ്പെടാന് സാധ്യതയുളള ന്യൂനമര്ദ്ദവുമാണ് കേരളത്തില് മഴ കനക്കാന് കാരണം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കേരളാ-കര്ണാടക ലക്ഷദ്വീപ് തീരങ്ങളില് ജൂലൈ 21 മുതല് 25 വരെ മത്സ്യബന്ധനത്തിന് പോകുന്നതിന് വിലക്കുണ്ട്. കേരളാ ലക്ഷദ്വീപ് തീരങ്ങളില് മണിക്കൂറില് 55 കിലോമീറ്റര് വരെ വേഗതയില് കാറ്റു വീശാന് സാധ്യതയുണ്ട്. കടലാക്രമണ സാധ്യതയുളളതിനാല് തീരദേശവാസികള് ജാഗ്രത പാലിക്കണമെന്നും ബീച്ചിലേക്കുളള യാത്രകള് ഒഴിവാക്കണമെന്നും കാലാവസ്ഥാ വകുപ്പിന്റെ നിര്ദേശമുണ്ട്.