നടന്‍ മമ്മൂട്ടിക്ക് പിറന്നാളാശംകള്‍ നേര്‍ന്ന് മകന്‍ ദുല്‍ഖര്‍ സല്‍മാന്‍. എന്നും താന്‍ പിതാവിനെപ്പോലെ ആകാനാണ് ശ്രമിക്കുന്നതെന്ന് ദുല്‍ഖര്‍ പറഞ്ഞു. മമ്മൂട്ടിക്കൊപ്പമുളള ചിത്രങ്ങള്‍ക്കൊപ്പം സമൂഹമാധ്യമങ്ങളിലൂടെയാണ് നടന്‍ പിതാവിന് ജന്മദിനാശംസകള്‍ നേര്‍ന്നത്.
'ഞാന്‍ കുട്ടിയായിരുന്നപ്പോള്‍ മുതിരുമ്പോള്‍ താങ്കളെപ്പോലെയാകണമെന്ന് ആഗ്രഹിച്ചു. ആദ്യമായി ക്യാമറയ്ക്കു മുന്നില്‍ നിന്നപ്പോള്‍ താങ്കളെപ്പോലൊരു നടനാകണമെന്ന് ആഗ്രഹിച്ചു. ഞാനൊരു പിതാവായപ്പോഴും പൂര്‍ണ്ണമായും അങ്ങയെപ്പോലെ ആകാനാണ് ശ്രമിച്ചത്. ഒരിക്കല്‍ അങ്ങയുടെ പാതിയെങ്കിലുമായി മാറുമെന്നാണ് എന്റെ പ്രതീക്ഷ. പിറന്നാളാശംസകള്‍ നേരുന്നു. ഇനിയും താങ്കള്‍ക്കുമാത്രം സാധ്യമായ രീതിയില്‍ ഈ ലോകത്തെ വിസ്മയിപ്പിക്കുകയും വിനോദിപ്പിക്കുകയും പ്രചോദിപ്പിക്കുകയും ചെയ്യുന്നത് തുടരുക'- ദുല്‍ഖര്‍ സല്‍മാന്‍ ഫേസ്ബുക്കില്‍ കുറിച്ചു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
72-ാം പിറന്നാള്‍ ദിനത്തില്‍ മമ്മൂട്ടിക്ക് ആശംസകളുമായി സിനിമാ- രാഷ്ട്രീയ-സാമൂഹ്യ മേഖലകളില്‍നിന്നുളള നിരവധിപേരാണ് രംഗത്തെത്തിയത്. പ്രിയപ്പെട്ട ഇച്ചാക്കയ്ക്ക് പിറന്നാള്‍ ആശംസകള്‍ എന്നാണ് നടന്‍ മോഹന്‍ലാല്‍ ഫേസ്ബുക്കില്‍ കുറിച്ചത്. മുഖ്യമന്ത്രി പിണറായി വിജയനും മമ്മൂട്ടിക്ക് ജന്മദിനാശംസകള്‍ നേര്‍ന്നിരുന്നു.
