ഡല്ഹി: ഒരു രാജ്യം ഒരു തെരഞ്ഞെടുപ്പ് എന്ന ആശയത്തെ കോണ്ഗ്രസ് ശക്തമായി എതിര്ക്കുന്നുവെന്ന് പാര്ട്ടി അധ്യക്ഷന് മല്ലികാര്ജ്ജുന് ഖാര്ഗെ. ഭരണഘടനയെയും പാര്ലമെന്ററി ജനാധിപത്യത്തെയും അട്ടിമറിക്കാനുളള നീക്കമാണ് കേന്ദ്രസര്ക്കാര് നടത്തുന്നതെന്നും ഒരു രാജ്യം ഒരു തെരഞ്ഞെടുപ്പ് എന്ന ആശയത്തിന് പാര്ലമെന്ററി സംവിധാനത്തില് സ്ഥാനമില്ലെന്നും ഖാര്ഗെ പറഞ്ഞു. വിഷയത്തില് കോണ്ഗ്രസിന്റെ നിലപാട് വ്യക്തമാക്കി ഉന്നതതല സമിതിക്ക് ഖാര്ഗെ കത്ത് നല്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഒരു രാജ്യം ഒരു തെരഞ്ഞെടുപ്പ് നടപ്പിലാക്കാനുളള നീക്കം ഉപേക്ഷിക്കണമെന്നും ഉന്നതതല സമിതിയെ പിരിച്ചുവിടണമെന്നും കോണ്ഗ്രസ് ആവശ്യപ്പെട്ടു. 'തെരഞ്ഞെടുപ്പ് നടത്തുന്നതിനുളള ചിലവ് വളരെ ഉയര്ന്നതാണെന്ന വാദവും മാതൃകാപെരുമാറ്റച്ചട്ടം ഏര്പ്പെടുത്തുന്നത് ക്ഷേമപദ്ധതികളെയോ വികസനപ്രവര്ത്തനങ്ങളെയോ ദോഷകരമായി ബാധിക്കുമെന് വാദവും അടിസ്ഥാനരഹിതമാണ്. ഒരേ സമയം തെരഞ്ഞെടുപ്പ് നടത്താന് കാലാവധി പൂര്ത്തിയാക്കാത്ത നിരവധി നിയമസഭകളെ പിരിച്ചുവിടേണ്ടിവരും. അത് സംസ്ഥാനങ്ങളിലെ വോട്ടര്മാരോട് ചെയ്യുന്ന വഞ്ചനയാണ്. അടിയന്തര സാഹചര്യങ്ങളിലല്ലാതെ സംസ്ഥാന അസംബ്ലികള് പിരിച്ചുവിടാനോ സര്ക്കാരുകളെ സസ്പെന്ഡ് ചെയ്യാനോ ഭരണഘടനയില് ഒരിടത്തും കേന്ദ്രസര്ക്കാരിന് അധികാരം നല്കുന്നില്ല'- മല്ലികാര്ജ്ജുന് ഖാര്ഗെ പറഞ്ഞു.
ഒരു രാജ്യം ഒരു തെരഞ്ഞെടുപ്പിനെക്കുറിച്ച് രാംനാഥ് കോവിന്ദ് സമിതി നേരത്തെ പൊതുജനാഭിപ്രായം തേടിയിരുന്നു. ഈ മാസം 15 വരെയായിരുന്നു അഭിപ്രായം അറിയിക്കാനുളള സമയം.