തമിഴ്നാട്ടിൽ 536 പേർക്ക് കൂടി കൊവിഡ് സ്ഥിരീകരിച്ചു. ഇതോടെ തമിഴ്നാട്ടില് കൊവിഡ് ബാധിതരുടെ എണ്ണം 11760 ആയി. ഇന്ന് മൂന്ന് പേർ മരിച്ചു. ഇതോടെ മരിച്ചവരുടെ ആകെ എണ്ണം 82 ൽ എത്തി. 7272 പേരാണ് ചികിത്സയിലുള്ളത്. 234 പേർക്ക് ഇന്ന് രോഗം ഭേദമായി. ആകെ രോമുക്തി നേടിയവരുടെ എണ്ണം 4406 ആയി. ചെന്നൈയിൽ 364 പേർക്കാണ് രോഗം സ്ഥിരീകരിച്ചത്. 7125 ആണ് ചെന്നൈ നഗരത്തിൽ രോഗബാധിതരുടെ എണ്ണം. ഇവിടെ 5471 പേരാണ് ചികിത്സയിലുള്ളത്. 124 പേർക്കാണ് ഇന്ന് ചെന്നൈയിൽ ഇന്ന് രോഗമുക്തിയുണ്ടായത്. 54 പേരാണ് രോഗം മൂലം മരിച്ചത്. തിരുവാളൂരിൽ 563 പേർക്കും, ചെങ്ങൽപേട്ടിൽ 534 പേർക്കും കാഞ്ചീപുരത്ത് 201 പേർക്കും മധുരയിൽ 163 പേർക്കും തിരുന്നൽവേലിയിൽ 207 പേർക്കമാണ് ഇതുവരെ രോഗം സ്ഥിരീകരിച്ചത്.
തമിഴ്നാട്ടിൽ ലോക്ഡൗൺ ഈ മാസം 31 വരെ നീട്ടിയിരുന്നു. രോഗബാധ ഏറ്റവും രൂക്ഷമായ ചെന്നൈ അടക്കം 12 ജില്ലകൾ പൂർണമായും അടച്ചിടാനാണ് സർക്കാർ തീരുമാനിച്ചിരിക്കുന്നത്. അതേസമയം കോയമ്പത്തൂർ, സേലം, ഈറോഡ് ഉൾപ്പെടെ 25 ജില്ലകളിൽ ഭാഗികമായ ഇളവ് നൽകിയിട്ടുണ്ട്