സംസ്ഥാനത്ത് കോവിഡ് കേസുകള് വര്ധിച്ചുവരുന്ന സാഹചര്യത്തില് വീടുകളിൽ കൊവിഡ് നിരീക്ഷണത്തിൽ കഴിയുന്നവര് നിര്ദ്ദേശങ്ങള് ലംഘിക്കുന്നത് കണ്ടെത്താന് പോലീസ് മിന്നല് പരിശോധന നടത്തും. ബൈക്ക് ലോക് ഡൗണ് നിയന്ത്രണങ്ങള് കര്ശനമായി നടപ്പാക്കാന് ഡിജിപി ലോക്നാഥ് ബെഹ്റ ജില്ലാ പോലീസ് മേധാവിമാര്ക്കു നിര്ദ്ദേശം നല്കിയിരുന്നു. നിയമ ലംഘനം കണ്ടെത്തിയാല് അവരെ സര്ക്കാരിന്റെ ക്വാറന്റീന് കേന്ദ്രങ്ങളിലേയ്ക്ക് മാറ്റും.
വാര്ഡ് തല സമിതികള്, ബൈക്ക് പട്രോള്, ജനമൈത്രി പോലീസ് എന്നിവരുടെ പരിശോധനയില് വീടുകളില് നിരീക്ഷണത്തില് കഴിയുന്നവര് നിര്ദ്ദേശങ്ങള് ലംഘിക്കുന്നതായി കണ്ടെത്തിയതിനെ തുടര്ന്നാണ് ഈ തീരുമാനം. ഇരുചക്രവാഹനങ്ങള്, ഓട്ടോറിക്ഷ, കാറുകള് എന്നിവയിൽ കൂടുതൽ പേരെ അനുവദിക്കില്ല. ഇത് തടയുന്നതിനായി വാഹനങ്ങളില് മിന്നല് പരിശോധന നടത്തും. ആവശ്യമായ സ്ഥലങ്ങളില് ബാരിക്കേഡ് സ്ഥാപിക്കാനും ഡിജിപി നിർദ്ദേശിച്ചു.