മലപ്പുറം കളക്ടര് കെ. ഗോപാലകൃഷ്ണന് കൊവിഡ് സ്ഥിരീകരിച്ചു. ഡെപ്യൂട്ടി കളക്ടര്, അസിസ്റ്റന്റ് കളക്ടര്, സബ് കളക്ടര് എന്നിവര് ഉള്പ്പടെ കളക്ടറേറ്റിലെ 21 ഉന്നത ഉഗ്യോഗസ്ഥര്ക്കും കൊവിഡ് സ്ഥിരീകരിച്ചിട്ടുണ്ട്. കരിപ്പൂരിലുണ്ടായ ദുരന്ത സമയത്ത് രക്ഷാപ്രവർത്തനത്തിന്റെ ഭാഗമായതിന് പിന്നാലെ കളക്ടര് അടക്കമുള്ളവര് നിരീക്ഷണത്തിലായിരുന്നു.
രക്ഷാ പ്രവർത്തനത്തിന്റെ ഭാഗമായ 42 പൊലീസ് ഉദ്യോഗസ്ഥരും 72 അഗ്നിശമന സേനാ ഉദ്യോഗസ്ഥരും ക്വാറന്റീനിലാണ്. മലപ്പുറം ജില്ലയിലെ ആറ് എസ്എച്ച്ഒമാർ ഉൾപ്പടെ 38 പേരും നിരീക്ഷണത്തിൽ പോയി. കോഴിക്കോട് ജില്ലയിൽ നിന്നും 28 ഉം തൃശൂരിൽ നിന്നും ആറ് അഗ്നിശമന സേനാ ഉദ്യോഗസ്ഥരും നിരീക്ഷണത്തിലാണ്.
മലപ്പുറം ജില്ലാ പോലീസ് മേധാവി യു അബ്ദുല് കരീമിന് കൊവിഡ് സ്ഥിരീകരിച്ചിരുന്നു. ഇദ്ദേഹത്തിന്റെ ഗണ്മാന് നേരത്തെ രോഗം ബാധിച്ചിരുന്നു. ഇതേത്തുടര്ന്ന് എസ്പിയും ക്വാറന്റൈനില് പ്രവേശിക്കുകയായിരുന്നു. എസ്പി ഓഫീസിലെ ജീവനക്കാരോട് നിരീക്ഷണത്തില് പോകാന് ആരോഗ്യവകുപ്പ് നിര്ദേശം നല്കിയിട്ടുണ്ട്.
കഴിഞ്ഞ ദിവസം മലപ്പുറത്ത് 202 പേര്ക്കാണ് രോഗം ബാധിച്ചതായി സ്ഥിരീകരിച്ചത്. നാല് ആരോഗ്യ പ്രവര്ത്തകരുള്പ്പെടെ 26 പേര്ക്ക് ഉറവിടമറിയാതെയും 158 പേര്ക്ക് നേരിട്ടുള്ള സമ്പര്ത്തിലൂടെയുമാണ് രോഗബാധ. ഏഴ് പേര് ഇതര സംസ്ഥാനങ്ങളില് നിന്നെത്തിയവരും 11 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്.