സംസ്ഥാനത്ത് കൊവിഡ് വ്യാപനം രൂക്ഷമായ സാഹചര്യത്തില് ആരോഗ്യ അടിയന്തിരാവസ്ഥ പ്രഖ്യാപിക്കണമെന്ന് ഇന്ത്യന് മെഡിക്കല് അസോസിയേഷന് (ഐ.എം.എ). ഇക്കാര്യം ആവശ്യപ്പെട്ട് അവര് മുഖ്യമന്ത്രിക്ക് കത്ത് നല്കും. സംസ്ഥാനത്ത് രോഗവ്യാപനം തടയുന്നതിന് ശക്തമായ നടപടികള് വേണം. ഇതിന് ആരോഗ്യ അടിയന്തരാവസ്ഥ പ്രഖ്യാപിക്കണമെന്നാണ് ഐ.എം.എ ആവശ്യപ്പെടുന്നത്.
രോഗ്യവ്യാപനത്തിന്റെ ഗുരുതര സ്ഥിതി ജനങ്ങളെ ബോധ്യപ്പെടുത്തേണ്ടതുണ്ടെന്നും ഐ.എം.എ. പറയുന്നു. രോഗവ്യാപനം തടയാനുള്ള കര്ശന നടപടികള് നടപ്പാക്കണം. നിലവിലെ കൊവിഡ് മാനദണ്ഡങ്ങള് കര്ശനമായി നടപ്പാക്കണം. സാധാരണക്കാരിലും ആരോഗ്യ പ്രവര്ത്തകരിലും രോഗവ്യാപനം രൂക്ഷമായിക്കൊണ്ടിരിക്കുകയാണ്. ഇത് ഇത്തരത്തില് തുടര്ന്നാല് വരും ദിവസങ്ങളില് ഗുരുതര പ്രത്യാഘാതം ഉണ്ടാകും. ഇപ്പോള് തന്നെ ആശുപത്രികള് ഏറെക്കുറേ നിറഞ്ഞു കവിഞ്ഞ അവസ്ഥയാണ്. ആരോഗ്യ പ്രവര്ത്തകരുടെ കൂടി കാര്യം പരിഗണിച്ചാണ് ആരോഗ്യ അടിയന്തരാവസ്ഥ പ്രഖ്യാപിക്കണമെന്ന് ഐ.എം.എ ആവശ്യപ്പെടുന്നത്.
അതേസമയം, സംസ്ഥാനത്തെ വിവിധ ജില്ലകളിലായി 2,32,450 പേരാണ് ഇപ്പോള് നിരീക്ഷണത്തിലുള്ളത്. കഴിഞ്ഞ ദിവസം 36,027 സാമ്പിളുകള് പരിശോധിച്ചു. 4538 പേര്ക്ക് കോവിഡ് സ്ഥിരീകരിക്കുകയും ചെയ്തു. 67 ആരോഗ്യ പ്രവര്ത്തകര്ക്ക് ഇന്നലെ സമ്പര്ക്കത്തിലൂടെ രോഗം സ്ഥിരീകരിച്ചിരുന്നു.