ഖത്തര്‍: കൊറോണ ജാഗ്രതയുടെ ഭാഗമായി ഇന്ത്യയുള്‍പ്പെടെ 14 - രാജ്യങ്ങളില്‍ നിന്നുള്ളവര്‍ക്കാണ് താല്‍ക്കാലികമായി യാത്രാ വിലക്ക് ഏര്‍പ്പെടുത്തിയിരിക്കുന്നത്. ഇന്ത്യയില്‍ നിന്ന് ഖത്തറിലേക്കുള്ള എല്ലാ യാത്രകള്‍ക്കും വിലക്ക് ബാധകമാണെന്ന് അധികൃതര്‍ അറിയിച്ചു. ഇതോടെ നാട്ടിലേക്ക് മടങ്ങിയ പ്രവാസി മലയാളികളുടെ മടക്ക യാത്ര അനന്തമായി നീളും. ഇനിയോരറിയിപ്പ് ഉണ്ടാകുന്നത് വരെ ഇപ്പോള്‍ എര്‍പ്പെടുത്തിയ യാത്ര വിലക്ക് നിലനില്‍ക്കുമെന്ന് അധികൃതര്‍ അറിയിച്ചു.
ചൈന, പാകിസ്ഥാന്‍, ദക്ഷിണ കൊറിയ തായ് ലാന്‍ഡ്, നേപ്പാള്‍, ബംഗ്ലാദേശ്, ഇറാന്‍, ഇറാഖ്, ഫിലിപ്പൈന്‍സ്, ശ്രീലങ്ക, ലെബനന്‍ തുടങ്ങി പതിനാല്‌ രാജ്യങ്ങളില്‍ നിന്നുള്ള വിമാന സര്‍വീസുകളാണ് തല്ക്കാലം റദ്ദാക്കിയിരിക്കുന്നത്. കൂടുതല്‍ രാജ്യങ്ങളില്‍ നിന്നുള്ള യാത്ര വിലക്കുകള്‍ അടുത്ത ദിവസങ്ങളില്‍ ഏര്‍പ്പെടുത്താന്‍ സാധ്യതയുണ്ട്. പൊതു പരിപാടികള്‍ക്ക് ഖത്തര്‍ നേരത്തെ തന്നെ നിയന്ത്രണം പ്രഖ്യാപിച്ചിരുന്നു.
