വീണാ വിജയനെതിരായ കേന്ദ്ര അന്വേഷണം രാഷ്ട്രീയപ്രേരിതമാണെന്ന് എല്ഡിഎഫ് കണ്വീനര് ഇപി ജയരാജന് പറഞ്ഞു. കേന്ദ്രസര്ക്കാര് അന്വേഷണ ഏജന്സികള്ക്കുമേല് സമ്മര്ദ്ദം ചെലുത്തിയതിന്റെ ഫലമായാണ്. ബിജെപി ഇതര പാര്ട്ടികളെ ഭയപ്പെടുത്താനായി കേന്ദ്ര ഏജന്സികളെ ഉപയോഗിക്കുകയാണ്
വീണാ വിജയനും എക്സാലോജിക് സൊല്യൂഷന്സ് എന്ന അവരുടെ കമ്പനിയും ഐടി, മാര്ക്കറ്റിംഗ് കണ്സള്ട്ടന്സി, സോഫ്റ്റ് വെയര് സേവനങ്ങള് നല്കാമെന്ന് സിഎംആര്എലുമായി കരാറുണ്ടാക്കിയിരുന്നെന്നും സേവനങ്ങളൊന്നും നല്കാതെ കരാര് പ്രകാരം മാസം തോറും പണം നല്കിയെന്നും സിഎംആര്എല് മാനേജിംഗ് ഡയറക്ടര് എസ് എന് ശശിധരന് കര്ത്ത ആദായനികുതി വകുപ്പിന് മൊഴി നല്കിയിട്ടുണ്ട്.