മുല്ലപ്പെരിയാര് വിഷയത്തില് സര്ക്കാരിനെ പരിഹസിച്ച് നടന് ഹരീഷ് പേരടി. പുതിയ ഡാം പണിയുകയാണെങ്കില് അത് തമിഴ്നാടിനെ ഏല്പ്പിക്കണമെന്നാണ് ഹരീഷ് പേരടി ഫേസ്ബുക്കില് കുറിച്ചത്. പാലാരിവട്ടം പാലം, കോഴിക്കോട് കെ എസ് ആര് ടി സി എന്നിവയുടെ അനുഭവത്തിലാണ് ഇക്കാര്യം ആവശ്യപ്പെടുന്നതെന്നും തമിഴ്നാടിനെ ഡാം പണിയേല്പ്പിച്ചാല് കേരളത്തിലെ ജനങ്ങള്ക്ക് സമാധാനത്തോടെയുറങ്ങാന് സാധിക്കുമെന്നും ഹരീഷ് പറഞ്ഞു.
അതേസമയം, മുല്ലപ്പെരിയാൽ ഡാം ഡീകമ്മിഷൻ ചെയ്യണം എന്ന ആവശ്യം ഉയർത്തി വൻ ക്യാംപെയിനാണ് സമൂഹമാധ്യമങ്ങളിൽ നടക്കുന്നത്. പൃഥ്വിരാജ് അടക്കമുള്ള താരങ്ങളും ഈ ആവശ്യവുമായി മുന്നോട്ടുവന്നിട്ടുണ്ട്. തമിഴ്നാട് മുഖ്യമന്ത്രി സ്റ്റാലിന്റെ ഔദ്യോഗിക പേജിനടിയിലും ഈ ഇക്കാര്യം ആവശ്യപ്പെട്ട് ക്യാമ്പയിന് ആരംഭിച്ചിട്ടുണ്ട്. മുല്ലപ്പെരിയാര് അണക്കെട്ടിന് ഘടനാപരമായ ബലക്ഷയമുണ്ടെന്നും തകര്ച്ചാ സാധ്യത തള്ളികളയാനാകില്ലെന്നും യു എന്റെ റിപ്പോര്ട്ടിലും വ്യക്തമാക്കിയിട്ടുണ്ട്.
ഫേസ്ബുക്ക് പോസ്റ്റിന്റെ പൂര്ണരൂപം
2019-ൽ പറഞ്ഞതാണെങ്കിലും കേരളത്തിലെ ജനങ്ങളുടെ ആശങ്കയകറ്റാൻ ഇപ്പോഴും ഒരു പുതിയ ഡാം ഉണ്ടാക്കുന്നകാര്യം പരിഗണിക്കാവുന്നതാണ്. പക്ഷെ നിർമ്മാണ ചുമതല തമിഴ്നാടിന് കൊടുക്കുന്നതായിരിക്കും നല്ലത്. പാലരിവട്ടം പാലത്തിന്റെയും കോഴിക്കോട് KSRTC ബസ്റ്റാന്റിന്റെയും അനുഭവത്തിന്റെ light-ൽ രാഷ്ടിയ വ്യത്യാസമില്ലാതെ പറയുകയാണ്. തമിഴ്നാട് ആവുമ്പോൾ അവർ നല്ല ഡാം ഉണ്ടാക്കും കേരളത്തിലെ ജനങ്ങൾക്ക് സമാധാനമായി കിടന്നുറങ്ങാം. അല്ലെങ്കിൽ ഡാമിൽ വെള്ളത്തിന് നിരോധനം ഏർപ്പെടുത്തേണ്ടിവരും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക