കൊച്ചി: റോഷാക്കിന്റെ റിലീസ് തിയതി പ്രഖ്യാപിച്ച് മമ്മൂട്ടി. ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രം ഒക്ടോബര് 7-നാണ് തിയേറ്ററിലെത്തുക. മമ്മൂട്ടി തന്നെയാണ് സാമൂഹിക മാധ്യമങ്ങളില് തിയതി പങ്കുവെച്ചിരിക്കുന്നത്. സിനിമയുടെ സെന്സറിംഗ് കഴിഞ്ഞ ദിവസം പൂര്ത്തിയായിരുന്നു. യു സര്ട്ടിഫിക്കറ്റാണ് ചിത്രത്തിന് ലഭിച്ചത്. കെട്ട്യോളാണ് എന്റെ മാലാഖ എന്ന ചിത്രത്തിന് ശേഷം നിസാം ബഷീർ ഒരുക്കുന്ന ചിത്രമാണ് റോഷാക്ക്. മമ്മൂട്ടിയുടെ പ്രൊഡക്ഷന് കമ്പനി തന്നെയാണ് ചിത്രം നിര്മ്മിക്കുന്നത്. സിനിമയുടെ ചിത്രീകരണം കൊച്ചിയിലും സമീപ പ്രദേശങ്ങളിലുമായാണ് പൂര്ത്തിയാക്കിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
റോഷാക്കിന്റെ ഫസ്റ്റ് ലുക്ക് പോസ്റ്റര് വളരെ ശ്രദ്ധ നേടിയിരുന്നു. നിഗൂഢത നിറഞ്ഞു നില്ക്കുന്ന ഫസ്റ്റ് ലുക്ക് പോസ്റ്ററാണ് ആരാധകരുമായി പങ്കുവെച്ചത്. ഷറഫുദ്ദീൻ, ജഗദീഷ്, ഗ്രേസ് ആന്റണി, ബിന്ദു പണിക്കർ, സഞ്ജു ശിവറാം, കോട്ടയം നസീർ, ബാബു അന്നൂർ, മണി ഷൊർണ്ണൂർ തുടങ്ങിയവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്. അഡ്വഞ്ചേഴ്സ് ഓഫ് ഓമനക്കുട്ടൻ, ഇബിലീസ് എന്നീ ചിത്രങ്ങളുടെ രചന നിർവഹിച്ച സമീർ അബ്ദുളാണ് തിരക്കഥ ഒരുക്കുന്നത്. നിമിഷ് രവിയാണ് ഛായാഗ്രഹണം. ത്രില്ലര് വിഭാഗത്തിലാണ് ചിത്രം ഒരുക്കിയിരിക്കുന്നത്.