മഹാരാഷ്ട്രയില്‍ ആദ്യമായി കൊവിഡ് പ്രതിദിനക്കേസുകള്‍ അയ്യായിരം കടന്നു. രോഗികളുടെ എണ്ണത്തിലെ ഏറ്റവും വലിയ വർധനയാണിത്. ആകെ രോഗികളുടെ എണ്ണം 1,52,765 കവിഞ്ഞു. മരണം 7106 ആയി. മുംബൈയിൽ 117 പേർ ഉൾപ്പെടെ സംസ്ഥാനത്ത് 175 പേര്‍ കൂടി മരിച്ചു. ആദ്യമായാണ് രാജ്യത്തെ ഒരു സംസ്ഥാനത്ത് രോഗബാധിതരുടെ എണ്ണം ഒരു ദിവസം അയ്യായിരം കടക്കുന്നത്. രണ്ട് ദിവസം കൊണ്ട് പതിനായിരത്തിനടുത്ത് കൊവിഡ് കേസുകളാണ് സംസ്ഥാനത്ത് ഉണ്ടായത്.
കോവിഡ് ബാധിച്ച് മുംബൈയിൽ 2 പൊലീസുകാർ കൂടി മരിച്ചു. സംസ്ഥാനത്തു മരിച്ച പൊലീസുകാർ 56. രോഗബാധിതരായ പൊലീസുകാരുടെ എണ്ണം 4516 ആയി. താനെയില്‍ ആകെ രോഗബാധിതരുടെ എണ്ണം 30,000 കടന്നു. ജൂലൈ, ഓഗസ്റ്റ് മാസത്തില്‍ സംസ്ഥാനത്ത് കൊവിഡ് ബാധിതരുടെ എണ്ണം വര്‍ധിക്കുമെന്ന് ആരോഗ്യമന്ത്രി രാജേഷ് തോപ്പെ പറഞ്ഞു.
അതേസമയം, തുടർച്ചയായ രണ്ടാം ദിവസവും 3000– ൽ ഏറെപ്പേർക്കു രോഗം സ്ഥിരീകരിച്ചതോടെ തമിഴ്നാട്ടിൽ രോഗബാധിതർ 74622 ആയി. 445 പേർക്കു കൂടി രോഗം സ്ഥിരീകരിച്ചതോടെ കർണാടകയിലെ കോവിഡ് ബാധിതർ 11005 ആണ്.
