ഡല്‍ഹി: രാജ്യത്ത് കഴിഞ്ഞ 72 മണിക്കൂറിനുള്ളില്‍ 1,84,136 പേര്‍ക്കാണ് പുതുതായി കൊവിഡ്-19 സ്ഥിരീകരിച്ചിരിക്കുന്നത്. ഇതോടെ രോഗീ വ്ര്‍ദ്ധനവിലെ പ്രതിദിന ശരാശരി അരുപതിനായിരമായി. തൊട്ടുമുന്‍പുള്ള അഞ്ചു ദിവസങ്ങളിലായി 62,301,- 57,019,-55,350,-50,629,- 53,800 പേര്‍ വീതവുമാണ് രോഗബാധിതരായത്. 50,000 ത്തിനു തൊട്ടു മുകളിലും താഴെയുമായിരുന്ന രാജ്യത്തെ പ്രതിദിന രോഗീ വര്ദ്ധനാ നിരക്ക് കഴിഞ്ഞ നാലുദിവസത്തെ കണക്കുപ്രകാരമാണ് അറുപതിനായിരത്തിനു മുകളിലേക്ക് ഉയര്‍ന്നത്.
ഏറ്റവും ഒടുവിലത്തെ കണക്കനുസരിച്ച് ഇന്ത്യയിലെ ആകെ രോഗികളുടെ എണ്ണം 22,14,137 ലെത്തി.15,34,278 പേര്‍ രോഗവിമുക്തരായി. മഹാരാഷ്ട്രയിലാണ് കൊവിഡ്-19 വ്യാപനം എറ്റവുമധികം രൂക്ഷമായിരിക്കുന്നത്.
72 മണിക്കൂറിനുള്ളില്‍ 2,793മരണം
കഴിഞ്ഞ 72 മണിക്കൂറിനുള്ളില്‍ 2,793 പേരാണ് രാജ്യത്ത് കൊവിഡ്-19 മൂലം മരണമടഞ്ഞത്. തൊട്ടു മുന്‍പുള്ള 4 ദിവസങ്ങളിലായി 901,-916,- 885,- 810 എന്നിങ്ങനെയായിരുന്നു പ്രതിദിന നിരക്കുകള്‍. ഏറ്റവും പുതിയ കണക്കനുസരിച്ച് രാജ്യത്തെ കൊവിഡ് മരണം 44,466 ആയി. രാജ്യത്ത് ക്രമാനുഗതമായ വളര്‍ച്ചയില്‍ നിന്ന് ക്രമാതീതമായ വളര്‍ച്ചയിലേക്കാണ് രോഗീ വര്‍ദ്ധന ഉയരുന്നത്.
റെക്കോര്‍ഡ്‌ വര്‍ദ്ധനവോടെയുള്ള പ്രതിദിന രോഗീസംഖ്യ രാജ്യത്ത് തുടരുകയാണ്. മൊത്തം രോഗവ്യാപനത്തിന്‍റെ കണക്കനുസരിച്ച് കൊവിഡ്-19 വ്യാപനം രൂക്ഷമായ രാജ്യങ്ങളുടെ പട്ടികയില്‍ മൂന്നാം സ്ഥാനത്തുള്ള ഇന്ത്യ, പ്രതിദിന രോഗീ വര്‍ദ്ധനവില്‍ ഇപ്പോള്‍ പട്ടികയില്‍ തൊട്ടു മുകളിലുള്ള ബ്രസീല്‍, അമേരിക്ക എന്നീ രാജ്യങ്ങളുടെ മുകളിലേക്ക് എത്തിയിരിക്കുകയാണ്.
