ജനീവ: കഴിഞ്ഞ 48 മണിക്കൂറിനുള്ളില്‍ ലോകത്ത് 5,93,716 പേര്‍ക്കാണ് കൊവിഡ് സ്ഥിരീകരിച്ചത്. തൊട്ടു മുന്‍പുള്ള അഞ്ചു ദിവസങ്ങളില്‍ 2,95,214,-2,76,898,- 2,67,511,- 2,17,130,- 2,15,696 എന്നിങ്ങനെയായിരുന്നു പ്രതിദിന നിരക്കുകള്‍. ഇതോടെ ലോകത്താകെ ഇതുവരെ കൊവിഡ്-19 സ്ഥിരീകരിച്ചവരുടെ എണ്ണം 2,70,66,533 ആയി. ഈ മാസം തുടര്‍ച്ചയായി 2.5 ലക്ഷത്തിനു മുകളിലും തൊട്ടു താഴെയുമാണ് പ്രതിദിന രോഗീ വര്‍ധന. ഇടയ്ക്ക് 3 ലക്ഷത്തിലേക്ക് ഉയര്‍ന്നിരുന്ന നിരക്ക് പിന്നീട് 2.75 ലക്ഷത്തിലേക്ക് തന്നെ താഴ്ന്നിരുന്നുവെങ്കിലും വീണ്ടും ഇന്ന് 3 ലക്ഷത്തിലേക്ക് ഉയര്‍ന്നിരിക്കുകയാണ്. രോഗ വ്യാപനം ലോകത്താകെ ശക്തമായ രീതിയില്‍ തുടരുകയാണ്.
ലോകത്താകെ നിലവില്‍ കൊവിഡ്-19 ബാധിച്ച് അതീവഗുരുതരാവസ്ഥയില്‍ കഴിയുന്നത് 60,082 പേരാണ്.1,91,70,146 പേര്‍ ഇതിനകം രോഗവിമുക്തരായി. 70,12,643 പേര്‍ നിലവില്‍ ചികിത്സയിലാണ്.
24 മണിക്കൂറിനുള്ളില്‍ 10,510 മരണം
ലോകത്ത് കഴിഞ്ഞ 48 മണിക്കൂറിനുള്ളില്‍ 10,510 പേരാണ് കൊവിഡ് മൂലം മരണപ്പെട്ടത്. കഴിഞ്ഞ അഞ്ചുദിവസങ്ങളില്‍ 5887,- 6098,- 6504,-3,648,- 3708 എന്നിങ്ങനെയായിരുന്നു നിരക്ക്. പ്രതിദിനം 2.5 മുതല്‍ 3 ലക്ഷത്തോളം പേര്‍ക്ക് രോഗം പിടിപെടുമ്പോഴും മരണനിരക്ക് അതിനനുസരിച്ച് ഉയരുന്നില്ല എന്നു മാത്രമല്ല നിരക്കില്‍ കുറവാണ് രേഖപ്പെടുത്തുന്നത്.
ലോകത്താകെ നടക്കുന്ന കൊവിഡ് പ്രതിരോധ പ്രവര്‍ത്തനങ്ങളിലെ മികവും ചികിത്സാ രംഗത്തെ ഗവേഷണങ്ങളും കൊവിഡിനൊപ്പം ജീവിക്കാന്‍ ജനങ്ങള്‍ നേടിയ പരിശീലനവും ജാഗ്രതയും മൂലം പൊതുവില്‍ മരണനിരക്ക് രോഗീ വര്ദ്ധനവൂമായി താരതമ്യപ്പെടുത്തുമ്പോള്‍ കുറവാണ്. ഏറ്റവും പുതിയ കണക്കനുസരിച്ച് ലോകത്ത് ഇതുവരെ മരണപ്പെട്ടവരുടെ എണ്ണം 8,83,744 ആയി.
