ലോസ് ഏഞ്ചൽസ്: ഒസാമ ബിന്‍ലാദന്‍റെ സഹോദരന്‍ ഇബ്രാഹിം ബിന്‍ ലാദന്‍റെ വീട് വില്പനക്ക്. ഒസാമ ബിന്‍ലാദന്‍റെ ഇരട്ട സഹോദരനാണ് ഇബ്രാഹിം. രണ്ട് ഏക്കറിലായി വ്യാപിച്ച് കിടക്കുന്ന ബംഗ്ലാവ് കഴിഞ്ഞ 20 വര്‍ഷമായി ആരും ഉപയോഗിച്ചിരുന്നില്ല. 1931 ല്‍ പണി തീര്‍ത്ത വീടിന് 7 കിടപ്പ് മുറികളും, 5 ബാത്റൂമുകളുമാണുള്ളത്.
1983- ലാണ് ഇബ്രാഹിം ഈ വീട് വാങ്ങിയത്. മുൻ ഭാര്യ ക്രിസ്റ്റീൻ ഹാർട്ടുനിയൻ സിനയ്‌ക്കും മകൾക്കുമൊപ്പം ഇബ്രാഹിം ഇവിടെ താമസിച്ചിരുന്നു. ഇബ്രാഹിം മുഴുവൻ സമയവും ഗ്രൗണ്ട്കീപ്പർമാർ, വീട്ടുജോലിക്കാർ, ഡ്രൈവർമാർ, സ്വകാര്യ സുരക്ഷയ്ക്കായുള്ളവര്‍ എന്നിവരെ നിയമിച്ചിരുന്നു. റെഡ്ഫിനിലാണ് ഇത് വില്‍ക്കാന്‍ വച്ചിരിക്കുന്നത്. പുനര്‍നിര്‍മ്മാണത്തിന് ഉടമ തയ്യാറാണ് എന്നും പരസ്യത്തില്‍ വ്യക്തമാക്കിയിട്ടുണ്ട്. ബംഗ്ലാവിന്റെ അകത്തെ ചിത്രങ്ങളൊന്നും തന്നെ പുറത്ത് വിട്ടിട്ടില്ല.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അല്‍ ഖാഇദ എന്ന തീവ്രവാദസംഘടനയുടെ മുൻ നേതാവാണ് ഒസാമ ബിന്‍ ലാദന്‍. അതോടൊപ്പം അല്‍ ഖാഇദ തീവ്രവാദപ്രസ്ഥാനത്തിന്‍റെ സ്ഥാപക നേതാക്കളിൽ ഒരാളുമാണ് ഉസാമ ബിൻ ലാദൻ. 2001 സെപ്റ്റംബർ 11 -ൽ അമേരിക്കൻ ഐക്യനാടുകളിലെ തന്ത്രപ്രധാന കേന്ദ്രങ്ങളിൽ ഭീകരാക്രമണം നടത്തിയത് ബിൻലാദനായിരുന്നു. ചാവേറാക്രമണങ്ങളിൽ മൂവായിരത്തോളം ആളുകൾക്ക് ജീവന്‍ നഷ്ടമാവുകയും ചെയ്തിരുന്നു. ബിന്‍ ലാദന്‍റെ ആക്രമണത്തിന് ശേഷമാണ് ഇബ്രാഹിം ഈ ബംഗ്ലാവില്‍ നിന്ന് താമസം മാറ്റിയത്.
