പടിഞ്ഞാറന് ആഫ്രിക്കയില് മാര്ബര്ഗ് വൈറസ് ബാധ സ്ഥിരീകരിച്ചു. ഗിനിയയിലെ തെക്കന് ഗ്വക്കെഡോ പ്രവിശ്യയിലാണ് മാര്ബഗ് വൈറസിന്റെ സാന്നിദ്ധ്യം കണ്ടെത്തിയിരിക്കുന്നത്. എബോള വൈറസിന്റെ കുടുംബത്തില്പെട്ടതാണ് മാര്ബഗ് വൈറസും. ഗ്വക്കെഡോയില് ആഗസ്റ്റ് ആദ്യം മരിച്ച വ്യക്തിയുടെ സാമ്പിളുകള് പരിശോധിച്ചപ്പോള് എബോള നെഗറ്റീവായി എന്നാല് മാര്ബര്ഗ് പോസിറ്റീവാവുകയായിരുന്നു. മരിച്ചയാളുടെ അടുത്ത ബന്ധുക്കള് നിരീക്ഷണത്തിലാണ്.
പഴംതീനി വവ്വാലില് നിന്ന് മനുഷ്യരിലേക്ക് പടരുന്ന രോഗം മനുഷ്യന്റെ രക്തത്തിലൂടെയും മറ്റ് ശരീര ദ്രവങ്ങളിലൂടെയുമാണ് മറ്റുളളവരിലേക്ക് പകരുക. രോഗം പിടിപെട്ടാല് മരണസാധ്യത കൂടുതലുളള വൈറസാണ് മാര്ബര്ഗ്. വൈറസ് ശരീരത്തിലെത്തി 9 ദിവസങ്ങള്ക്കുശേഷമാണ് രോഗബാധ പ്രകടമാവുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കടുത്ത പനി, തലവേദന, ശാരീരിക അസ്വസ്തതകള് തുടങ്ങിയവയാണ് രോഗലക്ഷണങ്ങള്. മാര്ബര്ഗ് വൈറസിനെ പ്രതിരോധിക്കാന് പ്രത്യേക വാക്സിനുകളോ ആന്റീവൈറല് ചികിത്സകളോ ഇല്ല. നേരത്തേ ദക്ഷിണാഫ്രിക്ക, ഉഗാണ്ട, കെനിയ, കോംഗോ എന്നിവിടങ്ങളില് മാര്ബര്ഗ് സ്ഥിരീകരിച്ചിരുന്നു.